عمرة أو 6 آلاف جنيه.. صاحب صفحة "إيجيبت كده كده" يتبرع لعم شعبان بائع الجرائد بحلوان
أعلن صاحب صفحة “إيجيبت كده كده” عن تبرعه لعم شعبان بائع الجرائد ضحية واقعة السرقة في حلوان، برحلة عمرة أو بـ١٠ أضعاف المبلغ المسروق منه وهو ٦٠٠ جنيه أي ٦ آلاف جنيهًا، وذلك من خلال منشور غير حسابه الشخصي بموقع التواصل الإجتماعي الأشهر “فيسبوك”.
صاحب صفحة إيجيبت كده كده يعلن تبرعه لعم شعبان بائع الجرائد ضحية واقعة السرقة
كتب صاحب صفحة إيجيبت كده كده: “حقك عليا أنا يا بابا وهتنام نفس النومة دي وانت في الطيارة رايح العمره لو مسلم ، أما لو مش مسلم فا أنا هرجعلك الفلوس دي ١٠ أضعاف”.
كما وجه رسالة لوم للسارق قائلًا: “أما بالنسبة للشاب ده ايه يابني يا حبيبي ده متوقعتش إنه ممكن يكون الفلوس دي بيجيب بيها أنسولين أو علاج ضغط ربنا يعافيك يعني ؟ روح صلح غلطتك وارجع اعتذر له وده نصيحتي ليك يمكن قلبه يرتاح شوية ”.
واختتم منشوره قائلًا: “وأرجوكم أنا سمعت إنه من حلوان لو حد يقدر يوصلني بيه هكون شاكر أفضالكم”.
عم شعبان صاحب واقعة السرقة في حلوان: سرق مني 600 جنيه العيدية اللي الناس ادتهالي في أول يوم العيد
من جانبه، كشف عم شعبان تفاصيل تعرضه للسرقة قائلًا: “كنت سهران لغاية الساعة 4 فنمت غصب عني فاستغل ده وسرق مني 600 جنيه العيدية اللي الناس ادتهالي في أول يوم العيد”.
وتابع: “روحت يومها في العيد وأنا زعلان ومراتي قالت لي فين الفلوس قلت لها ماجبتش هجيب لك بكرة، والمساعد ربنا اللي بيطلب بيطلب من ربنا مش من العبد”.
تابعوا آخر أخبار بوابة الوفد الإلكترونية عبر نبض