طارق حامد يكشف كواليس انتقاله للزمالك وصدامه مع حمادة صدقي
![طارق حامد](/themes/alwafd/assets/images/no.jpg)
تحدث طارق حامد لاعب نادي ضمك والزمالك السابق عن كواليس انتقاله للقلعة البيضاء من سموحة بعدما كان حمادة صدقي مدرب النادي الأزرق وفرج عامر رئيس النادي يرفضان رحيله، لكن إصرار اللاعب جعله يرحل للأبيض في النهاية.
قال طارق حامد عبر لقاء على قناة بي ان سبورتس: انتقالي من سموحة لـنادي الزمالك مكنشي سهل ابدا لما كنت في سموحة، المهندس فرج عامر قال ليا محتاجك معايا في الفريق وخذ الفلوس اللي انت عايزها.
وواصل: قلت له أنا لعبت 4 سنين في الفريق وحاسس اني اديت أقصى حاجه عندي، وحلمي اني أنتقل للزمالك وأحقق إنجازات وأصنع تاريخ. وأضاف: وقتها كان كابتن حمادة صدقي المدير الفني لسموحه، ورفض رحيلي بقوة بحجة أنه محتاجني.
وواصل: قلت له أنا بحترمك يا كابتن لكن انت كنت بتلعب في المنيا ومكنشي حد يعرفك متعرفتش إلا لما روحت نادي جماهيري ولعبت للأهلي وبقيت عندك عربيه كويسه والناس بتتصور معاك ليه واقف قدام رغبتي إني العب في الزمالك؟
وأكمل: قلت له لو وقفت قدامي قسما بالله مش هسامحك وهحسبن وادعي عليك طول حياتي، وقتها وافق وروحت الزمالك.
وأضاف: لما كنت في نادي سموحة وخسرنا الدوري والكأس في موسم واحد ودي مكنتش حاجه سهله لكنه كان أمرً عاديً بالنسبة ليا.
وأكمل: عكس نادي الزمالك لما بتخسر بطولة القيامة بتقوم، لما تروح نادي كبير وتكسب بطولة مستحيل تكسل في البطولة اللي بعدها.