صندوق قناة السويس مراقب من أجهزة الدولة الرقابية (شاهد)
أكد الرئيس عبدالفتاح السيسي، صندوق قناة السويس مراقب من أجهزة الدولة الرقابية.
قال السيسي خلال كلمته في افتتاح مشروعات جديدة في مجمع الصناعات الكيماوية في محافظة الجيزة، إن أرباح قناة السويس منذ عام 1975 بلغت نحو 220 مليار دولار.
اقرأ أيضًا.. السيسي: نبذل جهدًا كبيرًا لاستقرار الأسعار وعدم زيادتها (شاهد)
وتابع "بتكلم عن الافتتاح الجديد سنة 75 قناة السويس جابت 220 مليار دولار، لو حد كان شال 10 % من الرقم ه وحطه في صندوق، كان زمان النهاردة بنتكلم معايا 50 مليار دولار.. لكن يدخل يعمل تطوير في القناة ما عملوش.. يدخل مع حد مشروعات ما عملوش..عاوز يعمل خدمة مجتمعية متقدمة لمدن القناة ما فيش.. قلتله لا ما ينفعش الكلام ده".
وأكمل السيسي:"جه الدكتور معيط والدكتور مصطفى .. لا يا أفندم والنبى إرحمنا والفلوس اللى هتخصمها علشان الصندوق مش هنقدر، قلتله يا دكتور مصطفى افتكر لما جت أنت والمهندس شريف الفلوس بتاعتك ما تتحولش وقلت خليها عندك في وعاء، وكنت متحمس للفكرة، وجه المهندس شريف ووزير المالية قلتلهم اسمعوا كلامي وهتشوفوا، دلوقتي وزارة الإسكان بقت بتشتغل بـ 8 مليارات جنيه في الشهر.. وزارة الإسكان وهيئة المجتمعات بتشتغل بـ 8 مليارات جنيه في الشهر، بلد عايزة مليون وحدة سكنية في السنة يبقا الوزارة دي تعملها 400 ألف والقطاع الخاص يعمل شوية كمان معاه علشان ميبقاش اللى إحنا شايفينه في العشوائيات".
وواصل: " أمال الصندوق دخل البرلمان ليه؟.. علشان يديله حصانة برلمانية ما حدش يقدر ياخد منه ولا يتصرف فيه طبقًا للمعايير اللى تم التصديق عليه بيها والقواعد اللى
وأكد السيسي أنه لا بد من وجود أوعية إدخارية لدى الوزارات والهيئات المختلفة، لافتًا إلى أنه في الفترة الماضية حدثت موجة كبيرة تجاه الصندوق الاستثماري لهيئة قناة السويس.
وأضاف: "مش بتقولوا فيه مشاريع تتعمل قد تؤثر على دخل قناة السويس في يوم من الأيام.. ده يخليني أعمل ده.. التأثير قد إيه.. ده كلام نظري خالص بس برد عليه.. يبقي عندي دخل.. وأعمل مشاريع تانية وشركات تانية.. بالفلوس والتدفق المالي الشهري ادخل في مشروعات مثلا 500 مليون في الشهر.. أو أكثر من كده.. خلي بالكم".
وأكمل: "في البلاد اللي زي حالاتنا اللي ظروفها الاقتصادية لا تتحمل.. لازم تكون فيه أوعية على جنب.. والكلام ده أنا عملته في وزارة الصحة، وفيها دلوقتي 70 مليار جنيه"، لافتًا إلى أن صندوق الصحة تم إنشاؤه من أجل مشروع التأمين الصحي الشامل.
يفتتح الرئيس عبدالفتاح السيسي صباح اليوم مصنعي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبورواش بمحافظة الجيزة.