في مصر.. فضيحة جديدة لشركة أوبر تثير غضب رواد السوشيال ميديا

وتتوالى كوارث شركة أوبر مع عملائها دون أن تتخذ أي إجراء ضد سائقيها أو تقوم بمحاسبة المُخطيء أو من يخرج عن اللائحة المنصوص عليها في التعامل مع العملاء ، بالرغم من الهجوم  العنيف الذي تلقته من معظم العملاء، ما يُعطي الجرأة لأغلب السائقين العاملين بالشركة بفعل بنفس التصرفات المشينة والأفعال الفاضخة التي اصبحنا نسمع عنها يوميًا.

 

اقرأ أيضًا .. من غير ملابس.. يسرا اللوزي تستعرض حملها بصورة جريئة

 

فضائح سائقي أوبر ليست وليدة اللحظة ولكنها تكررت على مدار شهور و أعوام بداية من خطف الفتيات مرورًا بالتطاول على العملاء بالقول أو بالفعل وصولص إلى سرقة المقتنيات الشخصية، ولكن ما حدث مع العميل "إلان سمير عياد" أحد مستخدمي تطبيق أوبر، كارثة جديدة من نوعها لم نسمع عنها من قبل.

 

شارك "إلان" منشور عبر حسابه الشخصي على موقع التواصل الإجتماعي الأشهر فيسبوك كشف من خلاله عن واقعة السرقة التي تعرض لها من أحد سائقي شركة أوبر قائلاً: "مساء الخير .. انا اتسرقت من uber، للاسف كنت دايما بقرأ بوستات ناس حصلها مواقف مشابها و ناس اتسرقت بس عمرى ماكنت مصدق وكنت بقول اكيد شركة كبيرة زى دى مافيش فيها الكلام ده و حتى لو حصل اكيد بيبقى فى تعاون من الشركة عشان يرجعلك حقك بس الى انا شفتوا غير كدا خالص".

 

 

وتابع: "الى حصل ان انا حاطت على اكاونت اوبر بتاعى الفيزا زى مصر كلها .. يوم الجمعة ٤ ديسمبر طلبت كابتن من شارع الظاهر كان اسمه يوسف و معاه الينترا  فاكر شكله طشاش الكابتن طلب منى على شات الابليكشن رقم تليفونى عشان يكلمنى و  انا ماكنتش اعرف انه الرقم بتاعى مبيظهرش عنده اديتهوله و زى ما ساعات كتير بيطلب منى فى اول الرحلة الكود الى بيتبعت ، جالى كود قالى معلش هحتاج الكود عشان اكلمك فى التليفون ، افتكرتها تقليعة جديدة منهم كنوع من الحماية، اديتهوله من هنا و الاكاونت اتقفل من هنا".

 

واستطرد: " طبعًا اما حاولت ادخل تانى كان هو عمل حاجة خلانى معرفش اخش بيها ، و كان اشترى بالاكاونت اوبر كاش بحوالى ٣٠٠٠

جنيه و ده حصل بعدها بدقايق مكنتش لحقت اقفل الفيزا، الغريب فى سيستم اوبر انه مافيش اى حاجة ترجع بيها باسورد مثلا مع ان الاكاونت متسجل عليه نمرتى و الايميل بتاعى ، حاولت اتواصل معاهم  كذا مرة بالايميلات برود تام و لا مبلاة فبنسبة كبيرة فلوسى مش هترجع لان ده المتوقع من شركة زى اوبر".

 

واختتم إيلان كلامه قائلاً : "انا بحكى الموقف ده عشان الناس تاخد بالها من الحركة دى عشان لما دخلت عندهم لقيت ناس كتير حصلها الموقف ده.. خدوا بالكوا و حاولوا متتعملوش مع الشركة دى نهائيا، النهارده جت فيا انى وقعت مع حرامى شغال معاهم ممكن تقع مع حد يهددك بسلاح او يحاول يقتلك".

 

وتفاعل الكثير مع المنشور بالتعليقات التي تؤكد على أن هذه المرة لم تكن الأولى ولن تكون الأخيرة بخصوص مخالفات شركة أوبر و سائقيها، في حين أشار البعض تعرضهم لنفس الموقف منذ أيام و بالفعل حاولوا استرداد مستحقاتهم عن طريق الشركة ولكن لم تفيدهم في إتخاذ أي إجراء يُعيد لهم أموالهم المسروقة، ما دفعهم للجوء لجهاز حماية المستهلك في محاولة منهم لإستداد أموالهم مرة أخرى.

 

 

الجدير بالذكر، أن هذه لم تكن المرة الأولى التي تتعرض فيها شركة "أوبر" للهجوم وإتهام أحد العاملين بها بالسرقة، وبالرغم من مطالبة العديد بتطبيق اللائحة النظامية بحق المتسببين في تلك المخالفات والفضائح؛ لكن دون جدوى ولا حياة لمن تنادي.