سبب وفاة الفنان الشاب كريم عبد العليم المفاجئة.. تفاصيل
كشف الفنان حسام داغر عن تفاصيل وفاة الفنان الشاب كريم عبد العليم المفاجئة، والتي أفجعت الكثيرين منذ قليل، وذلك عبر حسابه الشخصي بموقع التواصل الإجتماعي الأشهر “فيسبوك”.
سبب وفاة كريم عبد العليم
نشر حسام داغر صور الراحل كريم عبد العليم وأرفقها برسالة مؤثرة: “الله يرحمك يا كريم .. مش مصدق و انا بكتب الكلام ده .. الممثل الشاب كريم عبد العليم كان طالب عندي في استوديو الممثل و خريج المعهد العالي للفنون للمسرحيه في ذمة الله”.
وتابع: “توفي من شويه عربية صدمته في الشيخ زايد و توفي في المستشفي .. ده لسه فرحك كان في شهر يناير يا حبيبي يا شقيان يا ممثل يا عظيم و شاطر من اول ما عرفتك في مسلسل حضرة العمدة و شفت موهبتك و علقت علي جمالها و شطارتك”.
وأردف: “و عرفت انك من المتفوقين كمان في المعهد و انك خدت حوايز كتير من اول فيلمك القصير بوتيتو potato الي لف الدنيا و جيت و عرفتك اكتر كطالب عندي و شفت حجم موهبتك الكبيره.. ليه يا ربي وجع القلب ده”.
واختتم: “ميغالاش علي الي خلقه ده كان بيضطر يجري ورا حلمه و يشتغل حاجات تانيه علشان يقدر يتجوز و يفتح بيته لا حول و لا قوة الا بالله ربنا يصبرني يا رب و يصبر اهلك و زوجتك و يرحمك يا حبيبي يا كريم يا عريس الجنة”.
تابعوا آخر أخبار بوابة الوفد الإلكترونية عبر نبض