سر ابتسامة المتهمة بدهس هدير بائعة القهوة بحدائق الأهرام.. تفاصيل
علقت الفنانة راندا البحيري على واقعة فتاة القهوة هدير شعبان ضحية لقمة العيش في حدائق الأهرام، موضحة السر وراء ابتسامة الطفلة المتهمة في حادث الدهس، وذلك من خلال منشور عبر حسابها الشخصي بموقع التواصل الإجتماعي الأشهر “فيسبوك”.
راندا البحيري عن سر ابتسامة المتهمة بدهس هدير فتاة القهوة: هي أصلا بتشوف دم يوميا
قالت راندا البحيري: “البنت اللي عندها ١٥ سنه صاحبة واقعة هدير الله يرحمها و يحسن اليها اللي كانت بتبيع شاي و قهوه في حدائق الأهرام خدت بالي ان سؤال واحد هو اللي لافف السوشيال ميديا كلها و كله بيسأل عن الصوره اللي متصوره و البنت مبتسمه و عاديه جدا اكن محصلش حاجه، و طبعا كله نازل شتيمه في البنت الصغيره دي، و فاهمين إن البرود اللي هي فيه هي تقصده و البعض الاخر بيسأل فعلا و مش فاهم البرود ده ازاي".
وتابعت: "أنا ممكن أقولكم ليه رد الفعل ده. السن ده. اتربي كله في مدارس جوا بلدنا اه بس مش مدارس مصريه. السن ده كل و شرب منتجات المقاطعه فقط عملوا ترندات التيك توك بكل منتجات المقاطعه ، عملوا كل حاجه الغرب عايزها ، السن ده مُستَعمر من الغرب ، السن ده متقدملهوش أفلام غير أفلام الرعب و آخرهم obsession اللي موجود دلوقتي في السينمات".
واستكملت: "السن ده لما لعبوا لعبه كلهم كانت انهم يعملوا فرق و يموتوا بعض بكواليتي رهيب اكنهم بيعملوا كده بجد.
Pubg و Minecraft و Roblox و غيرهم
الألعاب دي هتخليهم وش عاملين زي البنت اللي في الصوره عادي هي أصلا بتشوف دم يوميا".
وأردفت: “هدير ضحيه. و فيه جيل كامل ضحيه …. اللي مولودين و عايشين في ايچيبت و مفيش عندهم مدارس تفهمهم الحرام من الحلال و الصح من الغلط. المدارس دي عبيد لبلاد الغرب و بينفذوا اچنده واضحه جدا … و طبعا أنا هنا بتكلم عن بعض (((بعض فقط)) من مدارس الإنترناشيونال اللي نفسي تمشي من مصر”.
واختتمت: “رحم الله الشقيانه وحفظ الله مصر و شعبها و قائدها”.
تابعوا آخر أخبار بوابة الوفد الإلكترونية عبر نبض
