«انت مين» .. جديد صابرين النجيلي على يوتيوب
![صابرين النجيلي](/themes/alwafd/assets/images/no.jpg)
طرحت المطربة صابرين النجيلي، أجدد أعمالها الغنائية بعنوان "انت مين" على طريقة الفيديو كليب، وذلك عبر موقع الفيديوهات الأشهر عالميًا يوتيوب .
أغنية انت مين، من كلمات والحان صابرين النجيلي، توزيع يوسف حسين، ميكس وماستر مهندس محمد جودة وأخراج أحمد علاء الجندي، وتقول كلماتها:" انت عارف انت مين
ولا اقولك انت مين
انت احسن من كتير انت غيرهم
نظره منك أخودلي ساتر
طلتك تدبح يا ساتر
حن ع الغلبان يا قادر جي تكيدهم
بعدين وياك بعدين
مش واخد بالك م الزين
أنا قلبي اتملا منك بهدله وتعبني معاك
لو روحت لفين جايه
انت مفكرني هفية
والنبي لو روحت السعوديه لأروح وياك
لالا لأ متتألش اكتر قلبي كده بيشتاقلك اكتر
طول الليل عمال يفكر .. أنا أنا أنا
يا واد أنت ما ترق رقه أنا قلبي ضعيف مبيقولش لا الرتم بطيئ ده محتاجاه زقه .. يلا يلا يلااا
بعدين وياك بعدين
مش واخد بالك م الزين
أنا قلبي اتملا منك بهدله وتعبني معاك
لو روحت لفين جايه
انت مفكرني هفية
والنبي لو روحت السعوديه لأروح وياك".
ومن جانبها قالت المطربة صابرين النجيلي : أغنية "انت مين" من إيقاع مقسوم وهي من كلماتي وألحاني.
وأوضحت "النجيلي" أغلب أعمالي من إنتاجي لأنني لا أحب عقود الإنتاج الحالية المتداولة بين الشركات والمطربين، مؤكدة أن هناك تركيز في أعمالها المقبلة وتستعد لخوض المزيد من التجارب الغنائية في الفترة المقبلة .
آخر أعمال صابرين النجيلي
الجدير بالذكر أن آخر أعمال صابرين النجيلي أغنية "بطلنا اللي يعطلنا" كلمات والحان صابرين النجيلي، توزيع حاتم نصر، ميكس وماستر محمد الجيار، تسجيل صوت مهندس محمد جودة، صولوهات محمود شاهي.