هيفاء وهبي لـ شيرين عبد الوهاب: مبروك رجوعك لجمهورك المشتاق
![شيرين عبد الوهاب](/themes/alwafd/assets/images/no.jpg)
حرصت الفنانة هيفاء وهبي على الرد بشأن إشادة الفنانة شيرين عبد الوهاب بها بعدما قالت إن هيفاء دعمتها فى أزمتها وساعدتها على تخطي المحنة.
وكتبت هيفاء وهبي عبر حسابها على موقع “إكس”: "حبيبتي شيرين أنا ما عملت شي وإنتي بتستاهلي كل خير مبروك علينا رجوعك لفنك الجميل ومبروك لجمهورك المشتاق، بحبك".
وكانت شيرين عبد الوهاب حرصت على توجيه الشكر للنجمة هيفاء وهبي، التي هنأتها بطرح أغانيها الجديدة خلال الأيام الماضية.
![](/Upload/libfiles/302/9/872.jpg)
ونشرت شيرين عبد الوهاب عبر صفحتها الرسمية في موقع "إكس" صورة هيفاء وهبي، وكتبت: "أنا رديت على النجمة هيفاء وهبي مش عشان باركتلي على الأغاني النجمة هيفاء وهبي عملت معايا مواقف جدعة اقرب الناس ليا ما عملتهاش علشان نفسيتي تبقى أحسن، كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني".
![](/Upload/libfiles/302/9/875.jpg)
وأضافت: "هيفا اثبتت ان الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللى شفتها فى الوسط الفني هيفا بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده.. الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى اني ليا اخت فعلا شكرا يا هيفا يا حبيبتي. وياريت ياريت فى مصر لو في مشاكل انا بناشد اى حد ان الست دى طيبة جدا جدا متستاهلش إلا كل خير".
وكانت هيفاء وهبي هنأت شيرين عبد الوهاب عبر حسابها الرسمي في موقع التواصل الاجتماعي إنستجرام قائلة: "ألف مبروك حبيبي اللي نور مكانه الصح، والفراغ اللي محدش يعرف يملاه"، وأرفقت تهنئتها بأسماء الأغنيات الثلاث التي طرحتها شيرين "هنحتفل" و "اللي يقابل حبيبي" و"بتمنى أنساك".
![](/Upload/libfiles/302/9/873.jpg)
وكانت الإعلامية لميس الحديدي حرصت على الاحتفال بعودة النجمة شيرين عبد الوهاب للغناء مجدداً.
وذلك بعدما طرحت أغنيتين جديدتين أمس الأربعاء، حيث وجهت الحديدي رسالة إلى شيرين على حسابها بموقع X جاءت فيها:"وأخيراً هذه شيرين تغنى كأنها طائر مثخن بالجراح يحاول أن يفرد جناحيه".
![](/Upload/libfiles/302/9/876.jpg)
وأضافت لميس الحديدي:"إسمعوها بهذا الإحساس الفريد وافتحوا لها النوافذ لتملأ الدنيا غناءً، الخلاف القانونى مع روتانا اتمنى أن يحله الحكماء وبسرعه، غني يا شيرين ما تبطليش غنا فهذا طوق النجاة والحياه".
وطرحت النجمة شيرين عبد الوهاب أغنيتين جديدتين موقع إكس، الأولى بعنوان اللى يقابل حبيبى" من كلمات تامر حسين وألحان عزيز الشافعى وتوزيع وميكس أمين نبيل، هندسة صوت خالد سند أمين نبيل، والثانية "اللي يقابل حبيبي"، كلمات وألحان عزيز الشافعى وتوزيع وميكس توما.
وتقول كلمات أغنية "اللي يقابل حبيبي"
اللي يقابل حبيبي سلامي أمانة ليه
لو بيني وبينه إيه
ده مهما كان حبيبي
والبعد الله يجازيه
![](/Upload/libfiles/302/9/877.jpeg)
اللي يقابل حبيبي ياخد صورة معاه
يبعتها من وراه
أسرح في عيون حبيبي
وأحكيله عن الحياة
غريبة الدنيا ديا
تقرب الحبايب
وتلاقي الفرحة جاية
تغرب الحبايب
- هيفاء وهبي
- جديد هيفاء وهبي
- هيفا وهبي
- أغاني هيفاء وهبي
- هيفاء
- هيفاء وهبي رجب
- هيفاء وهبي الواوا
- هيفاء وهبي اعمل شير
- هيفاء وهبي اقول اهواك
- هيفاء وهبي توتة
- وهبي
- لو كنت هيفاء وهبي
- هيفاء وهبي واكرم حسني
- اكرم حسني وهيفاء وهبي
- هيفاء وهبي رقص
- لقاء هيفاء وهبي
- طلاق هيفاء وهبي
- هيفاء وهبي و ابو
- هيفاء وهبي 2016
- هيفاء وهبي واوا
- مسلسل هيفاء وهبي
- هيفاء وهبي لو كنت
- هيفاء وهبي اغراء
- هيفاء وهبي الرياض
- هيفاء وهبي وإليسا
- شيرين عبد الوهاب