محمد علي رزق: غادة عبد الرازق عيطت على كتفي فى مشهد "صيد العقارب"
حرص الفنان محمد علي رزق على كشف كواليس تعاونه مع النجمة غادة عبد الرازق فى مسلسل "صيد العقارب" فى المسلسل الذي جمعهما فى ماراثون رمضان وحقق نجاحًا كبيرًا.
وقال محمد علي رزق: "غادة عبد الرازق جميلة جدًا، أنا كنت داخل أول يوم تصوير وأنا سامع كمية إشاعات إني هقابل ريتشارد قلب الأسد، أول مشهد بيني وبينها تاني يوم تصوير ليها، مشهد أنا بعيط أن مراتي وابني مشيوا وسابوني".
وأضاف: "شخصية مصطفى كانت بتاخد مني تركيز كبير قبل التصوير، كنت قاعد ومركز جدا في مود المشهد أستاذة غادة دخلت ودا كان أول لقاء قعدت جنبي وسألتني إن كنت مبسوط في التصوير عشان أول يوم تصوير كان عندي مشاهد مهمة، وقلت لها إني عملت شغل حلو بشهادة الناس لكن أنا مش بحب اتفرج على نفسي".
وتابع: "لقتني سرحان في المشهد وعمال أسبح وبدأت دموعي تنزل، راحت هي نايمة على كتفي وكل دا قبل التصوير ولقيتها بتعيط على كتفي، كانت بتساعدني عشان أدخل في المود، لدرجة أن حد على صوته طلبت منه يوطي صوته عشان أعرف أركز، وبعد ما خلصنا رحت ليها وشكرتها وكنت مبسوط بالشغل معاها".
قصة المسلسل
تدور أحداثه في إطار اجتماعي مليء بالتشويق والإثارة من خلال وقوع حرب شديدة ومثيرة بين عائلتين من الصعيد، وتتحول الصداقة بين الجميع إلى عداوة قاتلة.
أبطال المسلسل
مسلسل "صيد العقارب" بطولة غادة عبد الرازق، رياض الخولي، سيمون، محمد علاء، أحمد ماهر، مجدى بدر، سامية عاطف، ميار الغيطي، عماد صفوت، أحمد ماجد، أحمد جمال سعيد، منال سلامة والمسلسل من تأليف باهر دويدار، وإخراج أحمد حسن.
- محمد علي رزق
- طفولة محمد علي رزق
- الفنان محمد على رزق
- زوجة الفنان محمد علي رزق
- دور محمد علي رزق
- فرح محمد علي رزق
- دايت محمد علي رزق
- زفاف محمد علي رزق
- والدة الفنان محمد على رزق
- عمر متولي ومحمد علي رزق
- صاحبة السعادة
- محمد علي رزق في مسلسل أبو جبل
- بداية محمد رزق الفنية
- محمد إمام
- محمد على
- محمد رمضان
- محمد امام وعمر متولي