حسام حبيب عن تصريحات شيرين: هاخد حقي بالقانون وأنا مش عايز أرجعلها
![حسام حبيب وشيرين](/themes/alwafd/assets/images/no.jpg)
تحدث الفنان حسام حبيب عن عودته لشيرين عبد الوهاب قائلا: “خلاص أنا اضطريت لكدا، الحياة مش بالعافية أنا مش عايز أرجعلها، وأنا اللى بستنجد بالناس وبقولهم نجمتكم الكبيرة اللى بتحبوها من سنين كتيرة، عايز أبعد عنها ومش عارف، أتصرف إزاي واستنجد بمين، وأنا بدعي ربنا قدامكم أهو يارب عايز أبعد عنها يارب ومش عارف أعمل أية، أنا تعبت بجد وسنين من الظلم والإهانة وبسكت ومبردش، وكل الكلام اللي كانت بتقوله غلط كله”.
وأضاف: "هو في حد يكون ضارب حد وفتحله دماغله، ويعتذرله عادي، وقبلها كنت حالق شعرها وتعتذرلي عادي، ويرجعله تاني، هو حاجة اسمها كدا، بتقول عشان بهددها!! بهددها بايه دا اللي هي قالته للناس أقوي من أي تهديد، اي اللي عندي أهددها به، وأقول ربنا كبير لحد ما أظبط ورقي وأكلم المحامين بتوعي عشان أعرف أخد حقي ومش هتنازل المرة دي خالص، وهاخد حقي بالقانون لأني عملت حساب للعشرة أكتر من مرة، وكل مرة بيطلع أكتر من اللى قبله، أيام مكلمة لميس الحديدي وطلعت قالت شتائم وحاجات في حقي، كفاية كفاية ناس".
وحرص الفنان حسام حبيب على التعليق بشأن اتهامات شيرين عبد الوهاب له بسرقتها، والتربح من أعمالها وحفلاتها ومحاولة الإيقاع بينها بين ابنتها.
وتحدث الفنان حسام حبيب عن سرقته خزنة شيرين عبد الوهاب، قائلا:"أنا عايز أعرف إزاي سرقتها، هل دخلت وأنا لابس طاقية الإخفاء، ومحدش شافني، وكل مرة سرقة وكلام أقل بكتير من أني أعلق عليه، كل شوية أنا سرقت وعملت، وأنا بسنتجد بكل الناس أرحموني منها، دا ذنب أنا عملته في حياتي أنا مش عارف إية دا، ولسة هطلع أتكلم كمان بكل التفاصيل، ومش بقول كدا عشان خاطر أخوفها، لا دا حقي، عشان كل شوية يتقال كلام عني وعن أهلي، وأنا مش بشكر في نفسي الحمدلله متربي ومن عيلة كويسة جدا، ومتربي في أماكن كويسة ومتعلم في مدارس كويسة جدا، وبعرف ربنا سبحانه وتعالي"
وأكد حسام حبيب قائلًا: "طبعا أنا خجلان من كل اللي بيحصل، ومش عارف أقول أية عن اللي بيحصل، بس والله العظيم أنا بريء من اللي بيحصل، ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها !!، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت اننا اطلقنا يا هى بتكدب على البنك وقالت أني زوجها وحولتلي".
تصريحات شيرين عن حسام حبيب
وقالت شيرين عبد الوهاب إن حسام حبيب يمارس الابتزاز ضدها، ويستخدم ابنتها كأداة لتهديدها بحسب وصف التصريحات، ولذلك تستغيث بالجمهور وبالدولة المصرية لمساعدتها.
ووصفت شيرين عبد الوهاب حياتها مع حسام حبيب على أنها قصة معاناة استمرت على مدار أكثر من 6 سنوات، تدمرت معها نفسيا بفعل متعمد منه.
واتهمت شيرين عبد الوهاب حسام حبيب في تصريحات أخرى، بسرقة أموالها وسيارتها وساعتين، والذهب الخاص بها، وحولت له مبلغ 200 ألف دولار من حسابها البنكي للتخلص من ابتزازه.
وكان تصدر المطرب حسام حبيب التريند على جوجل وإكس ومواقع التواصل الاجتماعي، وذلك بعد خناقته مع طليقته النجمة شيرين عبد الوهاب وتقديمها بلاغ ضده، تتهمه من خلاله بالتعدى عليها بالضرب في فيلتها بالتجمع الخامس.
وعلق حسام حبيب على البلاغ الذي قدمته شيرين عبد الوهاب قائلًا: «التحقيقات مازالت مستمرة وفي شهود وخلال الساعات المقبلة سوف يظهر كل شئ، والله العظيم أنا ممدتش ايدي عليها هي اللي معورة نفسها بطفاية ضربتها في دماغها ومعورة رجليها بمقص».
- حسام حبيب
- حسام
- حبيب
- حسام حبيب وشيرين
- حسام حبيب فيديو
- حسام حبيب وشيرين عبد الوهاب
- شيرين عبد الوهاب وحسام حبيب
- حسام حبيب قديم
- حسام حبيب ع المسرح
- شيرين وحسام حبيب
- حسام حبيب لسه
- حسام حبيب اوعي
- حسام حبيب 2018
- حسام حبيب كدابة
- أغاني حسام حبيب
- المطرب حسام حبيب
- حسام حبيب فرق كتير
- حسام حبيب بتوحشنى
- حسام حبيب انت معايا
- طلاق حسام حبيب وشيرين
- حسام حبيب شوفت بعينيا
- حسام حبيب تعيشي معايا