أبرز تصريحات يسرا في برنامج "بيت السعد"
تصدرت النجمة يسرا، تريندات السوشيال ميديا، بعد حلولها ضيفة برنامج "بيت السعد" للشقيقين أحمد وعمرو سعد، ويذاع عبر شبكة قنوات MBC 1.
وتستعرض بوابة الوفد، لمتابعيها أبرز تصريحات يسرا في برنامج بيت السعد :-
- أسمي الحقيقي في شهادة الميلاد يسرا وأسم الدلع اللي في البيت كان سيفين.
- عمري ما عرفت أن ده أسمي غير وأنا عندي 19 سنة لدرجة أن أنا شهاداتي كلها سيفين.
- سيفين أسم تركي ومعناه الوردة التي لا تموت.
- عندما اختارني المخرج الكبير يوسف شاهين في فيلم حدوتة مصرية، أول ما شوفته قولتله أنا بحبك أوي قالي عندك ذوق ومكنتش متصورة أن ممكن تجيلي فرصة معاه.
- وكان دائما يوسف شاهين يقول عني، أنا أخدتها نجمة معملتهاش نجمة.
- قسوة أبويا عليا مأثرتش على نظرتي للراجل، وعمري ما تصورت أن كل الرجالة زي أبويا.
- اتجوزت مرتين.
- المرة الأولى، متوفقتش لأن مكناش نعرف بعض كفاية ومكنش جواز ناجح بصراحة.
- والمرة الثالنية، خالد جوزي ربنا يديمه يارب وبحبه جدا، واحنا نعرف بعض وعمرنا 7 سنين.
- علاقتنا صحاب مش زوج وزوجة، وفي الأول مأعلناش جوازنا لمرض صالح سليم.
- وغير صحيح ان صالح سليم لم موافق على زواجنا، ده هو اللي مربيني وكان صاحب خالي وأمي.
- الكلمة الوحيدة اللي قالها صالح سليم لأبنه الست دي نجمة هتستحمل نجوميتها ومتقرفهاش خدها، مش هتستحمل سيبها في حالها.
