تامر ضيائي .. توفى بصفعة على الوجه وكتب وصيته كاملة على فيسبوك

تواصل الجهات المختصة تحقيقها فى واقعة وفاة الفنان تامر ضيائي داخل إحدى المستشفيات فى التجمع، وتستم في سماع أقوال أفراد أمن المستشفى والمسئولين عنها بعد وفاته لكشف ملابسات الواقعة بالكامل.

وكان الفنان تامر ضيائي توفى في إحدى المستشفيات بالتجمع أثناء دخوله في مشادة مع أحد موظفى أمن المستشفى، ثم التعدى فيما بينهما وصفعا بعض، أثناء دخول الفنان إلى المستشفى بصحبته زوجته لإجرائها جلسة كيماوى، وأثناء سيره في المستشفى سقط مغشيا عليه وتوفى وتجرى الجهات المختصة تحرياتها حول الواقعة، وتم اتخاذ الإجراءات القانونية اللازمة وسيتم كشف جميع ملابساتها بالكامل خلال الساعات المقبلة.

وكان تامر ضيائي تعرض للإصابة في عينه نوفمبر العام الماضي، واحتفل بتخرج نجله من الجامعة قبل وفاته بيوم.

وصية تامر ضيائي

وكان آخر ما كتبه تامر ضيائي، عبر صفحته الشخصية على موقع التواصل الاجتماعي "فيسبوك": "أنا اتخرجت".

وكان الفنان تامر ضيائي كتب وصيته عبر حسابه بموقع فيسبوك، منذ شهرين إثر تعرضه لأزمة صحية.

وجاء في المنشور الذي كتبه تامر ضيائي: "بوست الوصية.. ده هيفضل باين على صفحتي لحد ما أموت، الحقيقة اللى كلنا عارفينها ومتأكدين منها أننا كلنا ربنا كاتبلنا إننا نموت في ميعاد محدد غير معروف، وعشان كده كتبت الكلام ده لأنى محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعًا مش هعرف أقولها لحد"

وذكر تامر ضيائي تفاصيل وصيته في 10 نقاط، قائلًا: "وصيتي هي"

1. "صلاة الجنازة أهم من العزاء وهي اللي كل ما العدد زاد كل ما ثوابي ما كان أكتر، فأرجوكم تصلوا عليا".
2. "مش شرط تيجى العزاء وياريت لو إتعمل فى البيت أو مكان بسيط بفلوسه تطلعولي صدقة جارية أفضل".
3. "من فضلكم لم يثبت أو يتفق عليه عمل ختمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وادعولي الوقت اللى هتقروا فيه جزء فضوا نفسكم واقعدوا ادعوا فيه".
4. "بلاش صدقة جارية تقليدية وسهلة ومش مستفاد بيها يعنى المصاحف كتير فى مصر أوى وكل بيت فيه كتير فممكن نحط الفلوس فى جامع بيتبنى أو كرسى متحرك فى مستشفى يستفيدوا بيها المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة".
5. "دي نقطة مهمة أوى بالنسبة ليا.. محدش يقول لحد بتعيط عليه ليه، ومتعيطش عشان هو بيتعذب!! الكلام دة غلط، سيبوهم يعيطوا لحد ما يطلعوا كل الشعور اللى عندهم ومفيش حاجة بتقول إن العياط معناه عدم رضا بقضاء ربنا "وأبيضت عيناه من الحزن فهو كظيم".
6. "أهم حاجة تاني هي الدعاء وبس والصدقة".
7. من فضلكم تكثروا الدعاء وقت نزول القبر وتتصدقوا بأى حاجه بنية إن ربنا يجعل قبري روضة من رياض الجنة ويثبتني عند السؤال لأن ده أهم وقت ليا وياريت كمان بعد ما تدفنوني أقعدوا معايا شوية ومتستعجلوش تمشوا عشان تونسوني في ليلة زى دي".
8. الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوا على نفسكم بالدعاء ليا عشان أبقى في سعادة لحد ما أقابلكم تاني".
9. اللي بيحبوني يدعولي كتير عشان لو مفيش حد يدعيلي".
10. "دى مهمة أوي عاوز الكل يسامحني على أي حاجه عملتها فيه بقصد أو بدون قصد".

واختتم تامر ضيائي حديثه بهذا الدعاء: "اللهم إن كثر موت الفجأة من حولي و كثر موت الشباب غفلة، يارب إن كنت أنا القادم فأحسن خاتمتي و يسّر طلوع روحي و هوّن عليّ سكراتي فإني أحب أن أرحل في هدوء و سكينة و طمأنينه، ولا تقبض روحي إلا وأنت راضٍ عني لكي أكون عبدا مقبولا عندك حتي أليق بلقائك العظيم و إن كان لي من العمر باقي فأغفر لي ذنوبي و معاصي نفسي الأمّارة بالسوء و أعفو عني و أمحو لي كل ما يعرقل طريقي إليك و ردّني إليك ردّاً جميلاً يارب العالمين".

وتعرض الفنان تامر ضيائي لإصابة في عينه بشهر نوفمبر من العام الماضي، ونشر صورتين له ظهر فيهما وعيناه منتفختان وعلق: العين صابتني، دعواتكم".

بدايات تامر ضيائي وقائمة بأهم أعماله

وكانت آخر مشاركات الفنان تامر ضيائي بمسلسل "فراولة" بطولة النجمة نيللي كريم وعرض بالنصف الثاني لموسم دراما رمضان 2024.

وفي السطور التالية، نعرض لكم أبرز المعلومات عن الفنان الراحل تامر ضيائي:

1. ولد في 3 أغسطس عام 1974.
2. عمل مبرمجًا للحاسب الآلي في كلية الصيدلة بجامعة القاهرة.
3. بدأ مسيرته الفنية بالتمثيل في مسرح جامعة عين شمس وقصور الثقافة.
4. درس التمثيل على يد المخرج خالد جلال، ثم شارك المخرج سمير عصفوري بعض ورش التمثيل.
5. بدايته الفنية كانت في مسلسل "أنا وهؤلاء"، مع الفنان محمد صبحي عام 2003.
6. شارك في العديد من المسلسلات الدرامية، أبرزها: "اوراق مصرية الجزء الثالث 2004، مسلسل قصاقيص ورق 2005، الظاهر بيبرس عام 2005، السيرة العاشورية: الحرافيش الجزء الثاني 2005، مسلسل راجل وست ستات 2006، مسلسل جراج 2006، مسلسل أحلامك أوامر 2007، مسلسل هيمة - أيام الضحك والدموع 2008، مسلسل ذكريات الزمن القادم 2008، والعديد من الأعمال الفنية الأخرى.
7. أول ظهور له في السينما كان في فيلم "واحد من الناس"، بطولة الفنان كريم عبد العزيز عام 2005 .
8. من أبرز أدواره في مسلسل "الصياد"، بطولة يوسف الشريف عام 2014، والجزء الأول والثاني من مسلسل "أبو العروسة".
9. آخر عمل شارك به تامر ضيائي هو مسلسل "فراولة" بطولة نيللي كريم والذي عرض في رمضان 2024.