سامح حسين يوضح سبب رفضه لـ"فلانتينو"| أستعد لمسلسل من تأليف زوجتي
![سامح حسين](/themes/alwafd/assets/images/no.jpg)
كشف النجم سامح حسين عن بداياته الفنية وعن كواليس مسلسل "راجل وست ستات" وسبب اعتذاره عن دورٍ في مسلسل "فلانتينو"، مشيرًا: هي مكنتش فرصة لأن الفرصة أني أشتغل مع قيمة كبيرة.
صرَّحَ سامح حسين خلال ظهوره ضيفًا في برنامج "مساء الإمارات" المذاع على قناة الظفرة على الإعلامي عبدالعزيز أحمد، قائلًا: "رمزي في راجل وست ستات هو اللي عرفني على الناس رغم أن كان عندي محاولات قبل كدة بس دة اللي انتشر، التيم كله من ورشة الكتابة والمخرج والثنائي اللي قدمناه أنا وأستاذ أشرف كانوا شبة لوريل وهاردي الاتنين كانوا أغبى من بعض وكان بيشرح حاجات غلط".
أضاف سامح حسين: "إحنا اشتغلنا 7 مواسم وكل موسم 34 حلقة، وأنا في الأول كنت بقوله عادل وأنا بشتغل على الورق كتير فاقترحت أني أقوله "دولة حبيبي" كل ما يزعقلي لأنها هتبقى ألطف".
وعن العمل مع زوجته قال: "أنا راضي عن افلامي في السينما جدًّا والا مكنتش هقدمها واكتر فيلم بحبه هو "عيش حياتك" لأن دة تأليف مراتي وهي دارسة دراما وبتقرا كتير والفيلم عن تجارب حقيقية رحناها سوا والفيلم صورة مشرفة للبلد لأن أي حد عنده انتماء للبلد بيشتغل بسلاحه وانا سلاحي الفن".
تابع سامح حسين: "مفكرتش أقدم شخصية رمزي لوحده ولكن لو اتعمل تاني المسلسل هشارك فيه".
من ناحية أخري، مسلسل: "راجل وست ستات"، قال: "الثنائي ضاف للمسلسل وأشرف عبدالباقي كان متسامح جدًّا لأن في حلقات رمزي كان بيضحك اكتر وكان في حب وتفاهم في فريق العمل".
أشار سامح حسين ي حديثه عن زوجته: "مراتي هي حياتي وهي شايلة مسئوليتنا ومتطلبات البيت وهي ست بيت هايلة وبرة البيت مشرفة وبنعمل مسلسل وفيلم حاليًّا من تأليفها".
عبر سامح حسين عن رأيه في الفنان الراحل سمير غانم، قائلاً: "سمير غانم هو رسول الضحك وكان ليا الشرف أني اشتغلت معاه في مسلسل كان ضيف شرف فيه وموافقته أنه يشترك في المسلسل دة شرف لينا ورسالة أن الشخص مهما كبر بيجي يساعد الأجيال الجديدة وأتمنى اشتغل مع دنيا سمير غانم هي بتجيد كل الأدوار وموهبة خطيرة".
أكمل حديثه عن الزعيم: "عادل إمام مدرسة ونفسي اشتغل معاه وهو قيمة كبيرة وبيثقل المهنة".
حرص سامح حسين علي توضيح سبب اعتذاره عن المشاركة في مسلسل فلانتينو: "هي مكنتش فرصة لأن الفرصة أني اشتغل مع قيمة كبيرة حتى لو دور صغير واني استفيد بوجودي معاه وكل حاجة ليها ظروفها وانا بحب ابقى مبسوط مش مجبر وهو مزعلش مني وانا مين علشان يزعل مني ولو زعل مني دة شرف ليا".
أعمال سامح حسين:
من ناحية أخري، يذكر أن سامح حسين شارك في مسلسل "عودة الأب الضال" مع بيومي فؤاد، عبير صبري، خالد منصور، إيمان السيد وغيرهم نخبة من النجوم، المسلسل من تأليف أمين جمال ومن إخراج أحمد عبدالعال.
![](/Upload/libfiles/270/2/353.webp)
![](/Upload/libfiles/270/2/351.jpg)
![](/Upload/libfiles/270/2/350.jpg)