طليق زوجة حسن شاكوش يكشف أسرار الزيجة المثيرة للجدل|مرض يمنعها من الزواج
فجر رجل الأعمال أحمد خليل طليق زوجة حسن شاكوش السابق، مفاجآت جديدة حول تفاصيل علاقتهما الزوجية والأسباب التي أدت إلى الطلاق، إلى أن تطور الأمر بينهما إلى البلاغات والشرطة.
طليق زوجة حسن شاكوش يخرج عن صمته ويكشف مفاجآت جديدة عن الزيجة المثيرة للجدل
أعرب طليق زوجة حسن شاكوش عن صدمته الشديدة لحطة علمه بزواجها مرة ثانية، مؤكدًا أنها تعاني من مشكلة صحية تمنعها من الزواج، حسبم أفادت أسرتها حينما طلبت منه الطلاق، مضيفًا: "التعب ده ده ظهر بعد شهرين من زواجي منها، وأهلها كلموني عشان تتطلق، واتفرض عليا الطلاق ومكنتش عايز أطلقها، وطلقتها وخدت حقوقها الكاملة".
طليق زوجة حسن شاكوش: عندها مرض يمنها من الزواج
وأضاف طليق زوجة حسن شاكوش : "أنا مقصرتش معاها، وقلت لأهلها مش عايز أطلق وأنا هعالجها، وروحت معاها لدكتور ولقيته بيقولي إنها لا يصح لها الزواج"، متابعًا: "سلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها، لقيت الشقة فاضية، وأنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا".
وفي السياق ذاته، نفى طليق زوجة حسن شاكوش، تعديه عليها بالضرب أثناء زواجهما، مُضيفًا: "أنا مكنتش بضربها ومضربتهاش علقة موت، وعمري ما مديت إيدي عليها، وكل مشكلة تحصل بينا كنت بشتكي لوالدها، .. ولا شتيمة ولا ضرب ولا أي حاجة"
كما كشف أحمد خليل أسباب طلاقهما قائلاً: "كان فيه ظروف معينة للطلاق ولما حصلت مشاكل بيني وبينها، أهلها جابوا المأذون وقعدنا، ومعرفش أنا مرفوع عليا قضايا ليه بعد الطلاق؟، ومش طالب غير إني اتجوز وأعيش في استقرار"، مضيفًا: "معايا صور للفرح والقسيمة وكل حاجة والكلام ده من سنة ونص".
واستكمل حديثه: "حاول أتواصل مع والدها وبعت له رسالة عشان يتنازلوا عن القضايا، قالي أعلى ما في خيلك اركبه، ومضوني على إيصالات بالمؤخر"، ثم قام بعرض مجموعة صور لمحادثات بينه وبين والدها وصور أيضًا قسيمة الزواج والزفاف.
ووجه أحمد خليل لأسرة طليقته رسالة تهديد صريحة قائلاً: "أنا معايا شهود على كل حاجة.. لو متنازلوش أنا ساعتها هتكلم وأقول كل حاجة اللي أنا مش راضي أتكلم فيه دلوقتي، أنا معملتش أي حاجة وحشة مع والدها توصلنا للي إحنا فيه دلوقتي".
واختتم طليق ريم طارق تصريحاته بمطالبتها بالتنازل عن قضايا المنقولات وإيصالات الأمانة التي رفعتها ضده، مضيفًا: "ربنا يسعدها في حياتها، بس حابب أقولها ارجعي لربنا ومتأذيش غيرك، رجعيلي حقوقي وكل حاجتي وربنا يهنيكي في حياتك".