سطور
أخى غير الكريم ...
تحية - ليست طيبة - وبعد ......
اذا كنت ممن يرددون أى من العبارات القادمة ، فأرجو ألا تستكمل قراءة سطورى اليوم ، لانها حتما لن تروق لك !.
- ماهى لو محجبة ماكنش حد اتحرش بيها ، التحرّش بيحصل للي مش محجبات أو اللي بيلبسوا ضيق ومفتوح ، الستات المحترمة مبيحصلهاش تحرش خالص.
- الرجالة مابتقدرش تسيطر علي نفسها، والشباب تعبان ، ومش لاقي فلوس علشان يتجوز، والدين بيحرم العلاقات الجنسية قبل الجواز فده بيجبرهم يبقوا متحرشين.
- البنات والستات الحلوة اللي سنهم صغير هما اللي بيتعرضوا للتحرش بس طبعا.
- والله نفسى قبل ما أى بنت تشتكى ... تبقى تبص هى لابسة اية الاول!. لبسها مستفز لأى حد بصراحة انه يتحرش بيها .
- التحرش دائماٌ بيحصل في الشارع من شخص غريب.
- المعاكسات والتصفير ده مجرد مجاملة و مغازلة عادى يعنى مش تحرش جنسي ولا حاجة.
- التحرّش حاجة غلط ماقولناش حاجة ، بس مش لدرجة تقولوا عليه جريمة يعنى.
- على فكرة بقى ... لو تجاهلنا التحرّش هيختفي من المجتمع اصلا.
- التحرّش مشكلة صغيرة ، و الدنيا فيها مشاكل أكبر من كده بكتير.
- الراجل الفقير واللى مش متعلم بس هو اللي بيتحرّش.
- ما هي اصلا نازلة علشان كده ... احنا فاهمين القصة - الستات بتتبسط من الاهتمام.
لقد حاولت أن أرصد لكم خلال السطور السابقة معظم ما يتردد تقريبا فى مصر من أكاذيب وضلالات ، خرافات وخزعبلات يرددها بعض ، ويصدقها بعض آخر ايضا عن جريمة (التحرش)، واكرر عمدا كلمة - جريمة - وذلك لاكتمال كافة أركان الجريمة بهذا الفعل الفاحش ، فقانونا يلزم لقيام الجريمة توافر ركنين اساسيين هما :( الركن المادي) وهو الفعل – التحرش - الذي يحقق الاعتداء على الحق الذي يحميه القانون - الشعور بالامان - ، ويقوم هذا الركن المادي على عناصر ثلاثة : الفعل (السلوك الإجرامي الإيجابي او السلبي)، والنتيجة المترتبة على هذا الفعل ، وعلاقة السببية بين الفعل والنتيجة. وأما (الركن المعنوي ) فهو الإرادة التي يقترن بها الفعل وقد يتخذ الركن المعنوي صورة العمد فيتوافر به القصد الجنائي وتوصف الجريمة بأنها عمدية، كما قد يتخذ الركن المعنوي صورة الخطأ غير العمدي فتوصف الجريمة بأنها غير عمدية.
آمين !!!؟.
ولمن لازال يبرر جريمة التحرش باسم الدين ، قولوا له أقرأ البيان الذى أصدرته دار الإفتاء المصرية هذا البيان الواضحا والصريح ، الذى أكدت فيه على أن التحرش حرام شرعا، و أنه كبيرة من كبائر الذنوب، و (جريمةٌ ) يعاقب عليها القانون، ولا يصدر إلا عن ذوي الأهواء الدنيئة.
ولمن لازال لا يعتبر التحرش جريمة ، قولوا له أيضا يجب ان يعلم ان القانون المصرى يدرج التحرش تحت بند الجرائم ، وان مصر في عام 2014 م كانت قد غلظت عقوبة التحرش الجنسي لتصل إلى الحبس لمدة 6 أشهر، تزيد إلى عام حال تكرارها، أو فرض الغرامة المالية ما بين 5 آلاف و 20 ألف جنيه، فيما تصل عقوبة الاغتصاب إلى السجن المؤبد أو الإعدام في بعض الحالات إذا كانت الضحية أقل من 18 عاما.
ولحديثنا بقية ....