"بطلوا هري".. الرئيس السيسي تعليقًا على الأزمة الاقتصادية (شاهد)

 عقَّب الرئيس عبدالفتاح السيسي على الظروف الاقتصادية التي يمر بها العالم بأكمله بسبب استمرار تداعيات الأزمة الاقتصادية العالمية، التي ألقت بظلالها على الأوضاع الداخلية في مصر.

 

وقال السيسي، خلال فعاليات المؤتمر الأول للتحالف الوطني للعمل الأهلى التنموي، اليوم الإثنين، إنه في عام 2023: "الظروف صعبة جدًا، وده مش معناه إن الحكومة مش هتقوم بدورها، شايف الناس لما تتكلم كلام مش متنظم ولا مترتب، مش بيخوفوا بعض، اسمعوا مننا، مش عشان أصدق من غيرنا، لكن عشان عندنا بيانات، أي اجتهاد من آخرين مش مكروه، بس يمكن يعمل بلبلة ويزعج الناس، أكثر من ضغط الظروف، طب لو خوفنا الناس، النتيجة إيه؟".

 

اقرأ أيضًا.. الهيئة الإنجيلية تشارك في المؤتمر الأول للتحالف الوطني للعمل الأهلي (صور)

وتابع: "هو إحنا منقدرش كدولة وشعب نصمد أمام أي تحدٍ، يعني لو مصر ظروفها صعبة هتتخلى عنها، بكلم كل اللي بيسمعني، هو إحنا دخلنا حروب ضيعنا فيها أموال مصر، دخلنا مغامرات ضعينا فيها أموال مصر؟".

 

وواصل السيسي: "الحرب دي مش بتاعتنا، الموقف اللي حصل سواء كورونا، أو أزمة روسيا، مصر معملتوش، مصر بتدفع الثمن زي أي دولة"، مستطردًا: "هقول التعبير الجميل اللي ممكن متنساهوش، بطلوا هري، بطلوا هري بقى".

 

 وحرص الرئيس السيسي على توجيه الشكر لجمعيات المجتمع الأهلي العاملة داخل مصر، وعلى الجهود المبذولة خلال عام 2022، قائلًا: "أوجه التحية والتقدير للجمعيات الأهلية.. ومش اللى جوه التحالف بس.. كل الكيانات التي تعمل

في العمل الأهلي.. باسمي واسم المصريين.. اشكركم وإحنا محتاجين هذا الدور". 

 

 وتابع: "النهارده لما بتكون مؤسسة مجتمع مدني.. بتقوم بدور الحكومة.. مش بتعمله بنفس الكفاءة والاحتراف وإحنا بنعترف بكده.. عندنا 50 ألف جمعية موجودة في مصر.. وكيانات التحالف، نحتاج المزيد من الكيانات الأخرى تنضم.. شوفنا الدور المجمعي والمحشود والمنسق والمسيطر عليه.. ونتائجه في العروض السابقة على المستوى الاقتصادي والصحي والمستويات الأخرى الاجتماعية.. الجهد المنسق واضح جدًا خلال السنة دي".

 

 وواصل السيسي أنه لا بد من توجيه الشكر لكل المساهمين في العمل التنموي الأهلي، معقبًا: "لازم نشكر كل المساهمين من فضلكم.. سواء من مصر أو خارج مصر.. نوجه لهم التحية ونشكرهم لأن الكلام بيتم من خلال دعم كل إنسان عنده القدرة ومن جوه الخير من خلال القدرة اللى عنده أن المساعدة تصل للناس.. وبالأرقام اللى اتقالت سواء 10 مليارات.. دي أموال متبرعين.. ربنا سبحانه وتعالى يوجه لكم الخير ومحتاجين زيادة".