حريق وحادث.. العين تصيب ياسمين علي ونجاتها من الموت

 أعلنت المطربة ياسمين علي عن تعرض منزلها لحريق بسبب ماس كهربائي، كما تعرضت قبلها بيوم إلى حادث سير.

 

 اقرأ أيضًا.. هاني شاكر يبدأ دعايته لأغانيه الجديدة

 

إذ كتبت عبر حسابها على "انستجرام" قائلة: "ما بحبش الطاقة السلبية والله بس اعمل ايه طيب، امبارح الساعه 2 بليل كنت قاعدة مع بابا وماما وبنتفرج عالتليفزيون قمت عشان أروح أوضتي أنام".

 

وأضافت: "دخلت الأوضه قعدت دقيقة شميت ريحة بلاستيك محروق ومش فاهمه الريحة جاية من فين فجأة بدون مقدمات وربنا عالم باللي حاقوله (لقيت السقف على وسعه مولع نار كله بمعني الكلمه وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ميه".

 

 تابعت: "كل ده ف لحظات اتاري الجار من فوق في مية بتنزل من عنده عالسقف عندنا فعملت ماس فالكهرباء وحصلت النار اللي شوفتها دي، لو ماكنتش دخلت الاوضه ف التوقيت اللي روحت فيه، الله اعلم كان حصل

ايه".

 

وأشارت: "قبلها بكام يوم كنا لسه عاملين حادثه بالعربية مع عربية نقل كبيرة، فما تنخدعوش بالضحك اللي بضحكه، كل واحد له فيلم عايشه، احمدوا ربنا علي كل لحظة امان انتوا عايشينها بدون ترويع وعدم ستر وماتبصوش لحياة حد ابدًا من بره".

 

 كانت قدمت ياسمين علي أخيرًا تتر مسلسل "الضاحك الباكي" الذي عرض خلال الفترة الماضية، وتحدث عن السيرة الذاتية للفنان الراحل نجيب الريحاني، وهو من بطولة عمرو عبدالجليل، فردوس عبدالحميد، رزان مغربى، محمد سليمان، رامى الطونبارى، ياسر الطوبجى، الروسية يانا جمال، المطرب مصطفى شوقى، المطربة صولا عمر، تأليف محمد الغيطي، إخراج محمد فاضل.