السيسي: لو سعرت الكهرباء بسعرها الحقيقي هتدفع أكتر من كده 10 مرات (شاهد)

 أكد الرئيس عبدالفتاح السيسي، أن الدولة لو سعرت الكهرباء بسعرها الحقيقي سيدفع المواطن أكثر مما يدفعه حاليًا 10 مرات، قائلًا: "أنا لو سعرت الكهرباء النهارده على التسعير الحقيقي هتزيد عشر مرات"، لافتًا إلى أن الدولة لن تلجأ إلى ذلك حرصًا على الاستقرار في كل شيء.

 

اقرأ أيضًا.. السيسي: نقدم التحية للقطاع الخاص على مبادرة زيادة الأجور

 وتابع: "أي تحدٍ موجود عندنا في مصر بيولد فرصة، ومش بيولد عقبة زي ما الناس متصورة، لو كان عندنا الإرادة والاستعداد".

 

وأضاف: "الدولة المصرية بتتحرك وبتفتح الباب على آخره، وآليات العمل والحوكمة مش زي ما إحنا عاوزين في مصر، والسبب اتكلمنا وقلنا في المؤتمر الاقتصادي مش عاوزينكم تعانوا منه، وكلنا مع بعض ويهمنا البلد تطلع لقدام.

 

 أبدى الرئيس عبدالفتاح السيسي استعداد الدولة للدخول كشريك مع بعض المستثمرين في مبادرة ابدأ بهدف تشجيع رجال الصناعة، مضيفًا: "يا اللي هتشتغلوا في ابدأ مستعد أخش معاكم بالنص، مش علشان عاوز أخش معاك، لكن علشان أشجعك إن فيه جزءًا من المخاطرة الدولة معاك فيها، والهدف أيضًا تشجيع رجال الصناعة في مصر، وكل من يحتاج يتحرك معانا إحنا معاك".

 

 

وتابع "السيسي" خلال إطلاق الملتقى والمعرض الدولى الأول للصناعة: "عارف أن هناك الكثير من الأنشطة تحتاج إلى دراسات، لكن فيه حاجات واضحة جدًا زى الخامات الدوائية والمعدات اللى بنستوردها" متسائلًا: "لو فيه مشكلة لحد مش هنقف جنبك ولا إيه؟".

 

وواصل الرئيس حديثه، قائلًا:"الـ 100 مليار دولار بتاع التصدير بعد كام سنة هايبقى الحلم بعيد قوى، أنا بقالي 7 سنين في الشغلانة دي، وعارف أن المواضيع دي بتأخر وبتضيع علينا فرصة".

 

 

وأكد أنه سيتم صرف نحو تريليون جنيه على مبادرة حياة كريمة، مؤكدًا أننا مستعدون للشراكة مع المستثمرين بمشروعات المبادرة الوطنية لتطوير الصناعة "أبدا".

 

وتابع، أن هدفنا تشجيع كل رجال الصناعة وطمأنتهم بالوقوف بجانبهم، مقدمًا التحية إلى القطاع الخاص على مبادرة زيادة الأجور، وفق القرارات التي أصدرتها الحكومة أخيرًا بمبلغ 300 جنيه، قائلًا: "مع القطاع الخاص بيكون فيه تشاور مع بعضنا خصوصًا أن كل منشأة لها ظروفها.. أنتم لكم تصور".

 

 ووافق الرئيس على السماح بإعطاء الرخصة الذهبية لكل المتقدمين من المستثمرين لمدة 3 أشهر.

 

 وشدد السيسي على وقوف الحكومة بجانب المستثمرين، وبذلك سنسمح بإعطاء الرخصة لمدة 3 أشهر، مضيفًا: "هنشوف خلال الفترة دي إذا كان القرار دا مظبوط أو نرجع للوضع اللى احنا عليه الآن".

 

وحضر الرئيس عبدالفتاح السيسي، صباح اليوم، إطلاق الملتقى والمعرض الدولي الأول للصناعة، الذي ينظمه اتحاد الصناعات المصرية في مركز المنارة للمؤتمرات، وذلك بمناسبة مرور 100 عام على تأسيس الاتحاد.

 

 ومن المقرر أن يشمل المعرض، الذي يقام تحت رعاية الرئيس، عددًا من الأجنحة الضخمة للصناعات المتنوعة، وعلى رأسها قطاع الصناعات الهندسية وصناعة الآلات والمعدات والماكينات.