فاروق فلوكس يوجه رسالة شديدة اللهجة لمحمد رمضان
![فاروق فلوكس](/themes/alwafd/assets/images/no.jpg)
تصدر الفنان القدير فارق فلوكس، محركات البحث على جوجل ومواقع التواصل الأجتماعي" التريند" خلال الساعات الماضية، وذلك بعد تداول تصريحات نارية للفنان محمد رمضان، حول دور صبي العلمه الذي قدمه الأول.
اقرأ أيضًا.. شاهد.. فاروق فلوكس يكشف عن اسمه الحقيقي وسبب اللقب
حل الفنان محمد رمضان، ضيفًا في برنامج بيت العيلة المذاع عبر قناة النهار مع الإعلامية الكبيرة نجوى ابراهيم، وأدلى بعدة تصريحات نارية ضد الفنان فاروق فلوكس، قائلًا:" في فنان كبير عمل أشياء أرفض أن أفعلها، زي أدوار صبي العالمة ولو هشحت مش هبقى زيه ولا هاقدم الأدوار دي.
وأعرب الفنان فاروق فلوكس، عن استيائه من سخرية محمد رمضان، لتجسيده شخصية صبي العالمة في فيلم "الراقصة والسياسي".
قائلًا:" أعتقد أنه شافني في الدور وهو صغير، ولكن مكانش يقدر يقول الكلام ده قبل ما يجيله الملايين اللي بيكسبها دلوقتي، وبقا بيتكلم بفلوسه مش بلسانه، وأنا مش زعلان من كلامه".
وأضاف: "زي ما هو ميقبلش يعمل دور صبي عالمة، أنا كمان لا أقبل تجسيد شخصية بلطجي أو واد صايع بسكينة في الشارع، لأن أعماله مسيئة للفن المصري والشباب، وهو دخل في حتة مش بتاعته، لإنه هاجم فريد شوقي، فهل المنطقي كل واحد ياخد كام مليون ييجي يهاجم الكبار.
وتابع:" أنا ماعملتش دور صبي الرقاصة فقط، أنا عملت أدوار تانية مهمة، وكتير فالجيل الحالي يتمنوا يقدمو نفس الأدوار دي، وده لأهميتها، مشيرًا: عملت دموع في عين وقحه، بطولة عادل إمام، ودي لغة الفن اللي مابتمشيش بنوعية واحدة، جميع أدواري اللي قدمتها على مدار مشواري الفني بقدم شخصيات مختلفة، وهي دي اللي الناس بتصدقها.
واستطرد:" محمد رمضان ممثل كويس ماقولناش حاجة، بس لازم يروح يعالج نفسه عند دكتور نفسي، كون أنه دايمًا بيقارن نفسه بالكبار، وبيقلل
وأردف: "اللي يعيش عصر فريد شوقي هيعرف أن مكنش في شباب بيمسك السلاح في أيده وهو رايح الفرح، ولا كان فيه شباب بتقتل عشان المخدرات، زمان كل الشباب رجالة بجد عشان كان فيه حاجة اسمها حرب، وهو طبعا استحالة هايفهم حاجة زي كده، فريد شوقي كان الملك في المجال ولازال الملك، لكن أنت بقا ملك ايه.. ملك الحواري للشوارع والعيال البايظة، ولا ملك المهرجانات والإسفاف، لا بد من معالجة محمد رمضان نفسيًا مع احترامي ليه وهو ممثل شاطر".
فاروق فلوكس يوجه نصيحة لــ محمد رمضان
وجه الفنان الكبير فاروق فلوكس، نصيحة لـ محمد رمضان قائلًا: أرجو منك متهاجمش القمم القديمة ولا الحديثة، عمر حد مننا طلع قال أنا نمبر واحد في العالم، ليه يا محمد يابني ده من تواضع لله رفعه.