ناهد السباعي: نفسي يبقى عندي أسرة وبيت

 بحب الزراعة واتسحلت فيها.. هكذا قالت الفنانة ناهد السباعي التي تصدرت محركات بحث جوجل خلال الساعات الماضية، بعدما حلت ضيفة أمس مع الإعلامي عمرو أديب في برنامج "الحكاية" المذاع على قناة MBC.

 

اقرأ أيضًا: 

ناهد السباعي تكشف سبب عدم زواجها وكيف تتصرف الفتيات عند وقوع التحرش

 

وقالت الفنانة ناهد السباعي: "أنا بحب الزراعة واتسحلت فيها، وزرعت بطيخ وبتنجان ومانجو وتفاح وبرتقال وكل الخضرة، ولقيت فيها فن جدًا إني ألاقي حتة أرض فاضية وأقرر أزرع الشجرة دي في الحتة دي".

 

وعن تربيتها للحيوانات وحبها لهم فقد قالت ناهد السباعي لأديب: "بربي حيوانات وبصطاد وبلعب رياضة، وعندي كلبان وبغبان".

 

وأضافت ناهد السباعي: لما يبقى جدي فريد شوقي، لازم يبقى سقف طموحاتي عالي شوية، ومفيش ست تعرف تعيش من غير راجل، دي سنة الحياة والطبيعة اللي ربنا خلقنا بيها، أنا زي أي بنت ربنا خلقها، نفسي يبقى عندي أسرة وبيت بس محصلش نصيب.

 

وخلال الحلقة تحدثت السباعي عن التحرش وقالت إن هذة الظاهرة تعود إلى أمراض نفسية، موضحة، الناس بقت مريضة، ودي ظاهرة حاسة إننا دلوقتي أحسن من الأول وبقى لينا صوت نقدر نتكلم ونرفع قواضي.