بعد طرحه "اللي يمشي يمشي".. الجمهور لعمرو دياب: أغنية في وقتها
![عمرو دياب](/themes/alwafd/assets/images/no.jpg)
أشاد نشطاء السوشيال ميديا بأحدث أغاني الهضبة عمرو دياب "اللي يمشي يمشي"، بعد طرحها أمس الخميس، عبر أحد التطبيقات الشهيرة.
اقرأ أيضًا.. كلمات أغنية "اللي يمشي يمشي" للهضبة عمرو دياب
وتستعرض "بـوابـة الـوفـد" لمتابعيها بعض تعليقات الجمهور على الأغنية:-
قالت حياة : "عمرو دياب عمل ليا أغنية. في وقتها اوي اوي اوي.. عااش عمورة عااش الهضبة".
وقال عبدالله: "عمرو عامل اغنية جميلة جدا ولسه منزلها بس بقاله فترة منزلش اغنية بالحلاوة دي ورغم أن كلماتها حزينة وفيها كمية قصف جبهات بس عمرو مخليها فرايحي بردو".
وأضافت أمنية: "نشكر الفنان عمرو دياب على الأغنية الجديدة عشان جابها الجرح بتاعي بالظبط والله".
بينما قالت شيم: "عمرو دياب بيعرف منين الكلام اللي جوانا اللي معرفناش نقوله".
تفاصيل أغنية "اللي يمشي يمشي"
يشار إلى أن الأغنية كلمات تامر حسين، لحن مدين، توزيع توما، ميكساج وديجيتال ماستر أمير محروس.
وتقول كلمات الأغنية:
اللى يمشى يمشى
عينى على ناس أمِنتها
إتأذيت مِنها بعدها
نزلوا مِن نظرى
مش هقول عُذرى
دول عالم عارفه نفسها
قلبى ولا طيبته نِفعته
واللى يوم سِكنُه موته
دُنيا بتعري
ياما بتوري
كله على قد نيته
اللى يمشى يمشى زى بعضه
يبقى فضىّ سكة للى بعده
فى النداله ناس كتيرة عدوا
دول ماشاء الله
حُب مِين ده كله منفعه
كله بقى عنده أقنعه
مين بقى برىء مين إدعىّ
مين حاتستثناه ؟
اللى حبونا مثلوا
واللى وعودونا كسلوا
يوفوا ب وعودهم
و الله يسعدهم
واللى له طريق يكمله
اللى ملىّ ايده مِننا
إفتكر نفسهُ حلمنا
فِهمهُ على قده
الغرور واخده
لِسه ماعرِفش طبعنا
اللى شاف نفسه وإفترىّ
واللى بيبيعنى فى الدرىّ
واللى مديت له
إيدى وصفيتله
طبعه هو المُشكلة
أرمى ورا ضهرى كُل ده
ايه اللى يجبرنى على كده
ياللا أشوف نفسي
حبة مِن نفسي
فى إختيار أحلى مِن كدة ؟
آخر أعمال الهضبة عمرو دياب
يذكر أن آخر أعمال الهضبة أغنية "هتدلع" الذي طرحها شهر ابريل الماضي، والتي حققت نجاحًا كبيرًا على السوشيال ميديا.