بعد إثارتها للجدل.. أحمد فلوكس يتعاطف مع دينا حسين
![أحمد فلوكس - دينا](/themes/alwafd/assets/images/no.jpg)
ضم الفنان أحمد فلوكس، صوته إلى صوت المطربة الشابة دينا حسين، والتي ظهرت منذ أيام في مقطع فيديو تهاجم خلاله الوسط الفني وفنانات مصر.
اقرأ أيضًا .. "إحنا سمعتنا وحشة من فراغ"| مطربة شابة تسيء لسمعة فنانات مصر (فيديو)
وكتب أحمد فلوكس، عبر حسابه الرسمي على موقع "فيسبوك":" طيب أنا مكنتش حابب أتكلم نهائي عن أي حاجة تخص الشغلانة دي بس ماقدرش أشوف افتراء قصاد عيني وأسكت ".
وأضاف:" طيب بما أني كنت في المهنة دي ٢٠ سنة أنا اللي هارد، اه المهنة دي و كل ما له علاقة بالفن كده و بيطلعوا hzbdbdbb أمنا علشان ننجح إلا قليل جدًا منهم، حتى الراجل لو ماشلش الشنطة و باس الأيادي و طبعا مش محتاج أقولك الباقي مش هايبقي ".
وتابع أحمد فلوكس:" ايوه البنت دي بتتكلم اللي شافتوا وفي غيرها كتير حصلهم كده وأعرف ناس منهم اتعقدوا وراحو اشتغلوا في دهب وقلة اللي حالفهم الحظ ".
وتابع:" اه بيحصل أكتر من كده وأنت عارف وبتعافر بقالك سنين وبتزق مواهب كتير بنفسك وبتشوف بعينك ومن المواهب ده كانت أنا سواء على أول مسرح وقفت عليه بسببك أو لما عملنا الطيار وحامتني من اللي كانو عاوزين يفشلوني ".
وقال أيضًا: "لامؤخذة عموما بقى موضوع البنت دي بقى موضوعي الشخصي وأي حد يعرفها خلوها تتواصل معايا لو سمحتم وأستاذنك يا دكتور زي البنت دي ما شافت جزء سواد في بداية حياتها ومقبلتش حضرتك اسمحلي إني أجيبها وتتبناها زي ما تبنيت ناس كتير أولهم أنا علشان نظهر للعالم أولا ".
وأضاف:" وثانيا الجزيرة بيصطادوا في المياه العكرة ورغم أني مركز في شركاتي فقط وبعيد عن الفن لكن لعيونك أستأذن نوريهم مين الفنانين الحقيقين، و ده تحدي بيني وبين كل السوق وكل ما له علاقة وعد مني لو مكنش اللي جاي زمن المحترمين مكنتش راجل".
واختتم أحمد فلوكس حديثه، قائلا: " أما د أشرف فما فعلتوا لي ولأجيالي كان كثيرا وآن اللآوان أن تحارب لرسم طريق نظيف لأجيال أخرى فانصيحه ليك طول عمرك بتطلع أجيال ومش بس بتطلع أنت كنت صاحب فضل كبير في وجودي سواء لما وقفت قدام على المسرح أو في الحروب، لا تيأس وأنا معاك ".
مطربة شابة تهاجم الفن والفنانات
وتداول عدد من مستخدمي مواقع التواصل الاجتماعي مقطع فيديو لمطربة شابة تُدعى دينا حسين، تهاجم خلاله فنانات مصريات.
قالت دينا حسين، خلال الفيديو المتداول: "يعني أنا مش عارفة هل أنا صوتي وحش، شكلي وحش، فيا عيب، فيا حاجة؟ معتقدش، كل ما أروح شركة إنتاج يقولي الله يا فنانة صوتك جميل، خلاص هنبتدي شغل ويبص في حتة
مطربة شابة تفتح النار على الوسط الفني:
تابعت: "يبص لشكلي أو لجسمي، أو يتجوزني عرفي، هو أنا لازم أعمل حاجة غلط، ولازم أقدم تنازلات، أنا طلع عيني لحد ما وصلت للي أنا فيه".
وأضافت دينا: "أنا مقولتش إني مش بقوم من على السجادة، أنا بسهر وليا صحابي أولاد أكتر من البنات، بلبس قصير ومفتوح وكل حاجة، بس أنا مش عايزة أعمل حاجة غلط".
وتابعت "حسين": "شغل في الشارع واشتغلت، دراسة ودرست، في الأوبرا واشتغلت، عملت كل حاجة تأهل الفنان للنجاح، تعبت على نفسي، خدتها من تحت، ما عنديش مشكلة أتعب، بس عايزة أوصل وأنجح، أوصل باحترامي وكياني وبصوتي ومش لازم أعمل حاجة غلط".
واستكملت دينا حسين: "هو احنا سمعتنا وحشة من فراغ، مش شرط الغنا بس، أي نوع من أنواع الفن عليه سبوت، لو الفن دا يا جماعة بالمنظر ده، إني لازم أصاحب المنتج، أحسن لي إني أقعد بكرامتي".
واختتمت دينا حسين حديثها خلال مقطع الفيديو المتداول، قائلة: "لو صوتي وحش قولولي اقعدي في بيتك وما تشتغليش، أنا تعبت ومش عارفة أعمل ايه".
اتحاد النقابات الفنية يستنكر تصريحات الإساءة لفنانات مصر:
وبناءً على المقطع المتداول للمطربة الشابة دينا حسين، أصدر اتحاد النقابات الفنية قرارًا بمحاسبة كل من يسيء للفن والفنانات قضائيًا والتصدي لكل من يسعى للتشهير بسمعة فنانات مصر وعبقرياتها التي فازت بالنصيب الأكبر من الألقاب المشرفة عبر تاريخ الفنون الحديثة، مثل كوكب الشرق، وسيدة الشاشة العربية، وسيدة المسرح العربي، وهذا على سبيل المثال لا الحصر".
من دينا حسين صاحبة فيديو التشهير بفنانات مصر؟
دينا حسين، التي اشتهرت باسم "دينا المصري"، من مواليد محافظة الإسكندرية عام 1992، قدمت قبل 3 أعوام تقريبًا فيديو كليب بعنوان "جرح زي ألف".