لأول مرة.. سمية الألفي تكشف سبب طلاقها من فاروق الفيشاوي
![سمية الألفي وفاروق](/themes/alwafd/assets/images/no.jpg)
حلت النجمة القديرة سمية الألفي ضيفة مع الإعلامية وفاء الكيلاني في برنامج "السيرة" المذاع عبر فضائية "dmc"، وتحدثت الألفي عن زواجها من الفنان الراحل فاروق الفيشاوي الذي وصفته بانه "حب حياتها" وعن الصعوبات التي واجهتها خلال الـ 16 سنة زواج.
اللقاء الأول بين فاروق الفيشاوي وسمية الألفي
قالت سمية الألفي :" فاروق هو اللي رمى الشبك الأول وكان وسيم جدا وكان بيتعامل معايا برقة فظيعة وأنا كنت صغيرة وكان شعري طويل وضفاير وكان أيامها الميكروجيب موضة وكنا بنلبسه في الجامعة، وشاف طفلة قدامه لدرجة إن أصحابه قالوا له دي قاصر، وقال لهم دي عندها 21 سنة وهو كان عنده 24 سنة".
سمية الألفي: الشوكولاتة والورد سبب حبي لفاروق
كشفت سمية الألفي عن طرق فاروق الفيشاوي ليجعلها تقع في شباكة حيث قالت :" أنا من عشاق الشوكولاتة واللبان والورد، ومن ثاني أو ثالث بروفة للرواية كان جايب لي شوكولاتة ولبان، والورد جابه يوم ما طلب يوصلني للبيت اتمشينا من جاردن سيتي لغاية المنيل، واحنا ماشيين شاور لي على شاب راكب عجلة وشايل قفص عيش على دماغه وقالي بصي على إبداع المصري راكب عجلة بإيد وبالإيد التانية شايل قفص عيش، وإن يلفت نظره موضوع زي ده وأنا أصلا كنت حد قارئ وبقرأ روايات وعجبني جدا إن عنده اللقطة دي وإن عنده عمق، وبعد أسبوعين من تعارفنا اعترفلي بحبه".
الألفي تكشف سبب طلاقها الأخير من فاروق الفيشاوي
خلال لقائها وجهت الإعلامية وفاء الكيلاني سؤال لسمية الألفي قالت لها "الطلاق الأخير بينك وبين فاروق الفيشاوي، وهو الطلاق الثالث كان بسبب الخيانة"، لتجيب الألفي قائلة :" انا استحملت خيانة 16 سنة، بس مش ده سبب انفصالي عن فاروق، سبب انفصالي عن فاروق هو للأدمان".
وتابعت سمية الألفي :" كان فاروق مبطل إدمان قبل الانفصال، بس كنت خلاص قررت وانا مبرجعش في قراراتي، أحمد وعمر كانوا اغلي من اي حاجة انا مسئولة عن تربيتهم، وفاروق مكنش عنده الوقت والمسئولية، كان محب للحياة والسهر ومجموعة الاصدقاء اللي بيسهروا كل يوم".
بكاء فاروق الفيشاوي لحظة طلاقة من سمية الألفي
قالت سمية الألفي أنها وفاروق بكوا عن المأذون لحظة وقوع الطلاق، : " فاروق عيط وانا عيطت، كان متمسك بيه بس كنت خلاص قفلت، قبل الطلاق كنا منفصلين سنه ومكنش عايز يطلق وقعد في أوتيل وانا اصريت على الطلاق، وبعد الطلاق روحنا انا وهو واتغدينا عادي".
- النجمة سمية الالفي
- تصريحات سمية الالفي
- تصريحات سمية الالفي مع وفاء الكيلاني
- سمية الالفي وفاروق الفيشاوي
- اخبار سمية الالفي
- فيديوهات سمية الالفي
- سمية الالفي مع الاعلامية وفاء الكيلاني
- لقاء سمية الالفي مع وفاء الكيلاني
- سمية الالفي في برنامج السيرة
- تصريحات سمية الالفي في برنامج السيرة
- قصه حب سمية الالفي وفاروق الفيشاوي
- قصه حب فاروق الفيشاوي وسمية الالفي
- طلاق سمية الالفي وفاروق الفيشاوي
- سبب طلاق سمية الالفي وفاروق الفيشاوي
- اسباب طلاق سمية الالفي وفاروق الفيشاوي
- انفصال سمية الالفي وفاروق الفيشاوي
- سبب انفصال سمية الالفي وفاروق الفيشاوي
- اسباب انفصال سمية الالفي وفاروق الفيشاوي
- اخر اخبار سمية الألفي
- فيديوهات سمية الألفي في برنامج السيرة
- صور سمية الألفي وفاروق الفيشاوي
- علاقة سمية الألفي وفاروق الفيشاوي
- الفنان الراحل فاروق الفيشاوي