رد فعل شقيقات وفاء سالم بعد تصريحات تعرضها للتحرش من أقاربها
![وفاء سالم](/themes/alwafd/assets/images/no.jpg)
كشفت الفنانة وفاء سالم عن رد فعل شقيقاتها ، بعد نشرها الفيديو الذى تعترف فيه بتعرضها للاذى بسبب أقاربها من خلال فيديو لها على يوتيوب.
اقرأ أيضًا
ريم البارودي تنهار في عزاء والدها بمصر الجديدة
وقالت وفاء سالم خلال الفيديو الجديد التى نشرته على اليوتيوب : "ارسلت الفيديو السابق الى شقيقتى فى كاليفورنيا وشجعتنى على ما قلته وأما شقيقتى فى حلب فطالبتني بحذف الفيديو وقلت لها هل ما قلته لم يحدث معك وانتي صغيرة وقالت لي "حصل بس مينفعش نفضح قرايبنا".
وكانت كشفت الفنانة وفاء سالم تفاصيل تعرضها للتحرش من بعض أقاربها في فترة طفولتها، وانتهاكهم لطفولتها البريئة، موضحةً أن ذلك الأمر كان ضمن أسباب اعتزالها وابتعادها عن المجال الفني.
وقالت وفاء سالم خلال مقطع فيديو نشرته عبر قناتها الرسمية بموقع الفيديوهات الشهير يوتيوب: عندما كنت صغيرة، كنت أُفضل أن أجلس أسفل المنضدة، ولم أُغير ذلك المكان، وأسمع دائمًا أصوات الأواني والشوك ورائحة الطعام، وعندما يبدأوا في التسامر أكون في عالم آخر غير العالم الخاص بهم، وكانوا يعتبروني مثل قطتهم السيامي التي يلعبون بها.
قصة وفاء سالم مع التحرش
وأضافت وفاء: كانوا بيقعدوني على حجرهم وبينقلوني من حجر لحجر، ولما بيحضنوني كانوا بيوجعوا جسمي ببقى عايزة أزقهم ومش قادرة ومش مستحملة الأحضان بتاعتهم بسبب جسمي النحيل، ولما كانوا بيبوسوني كنت ببقى غصب عني بمسح البوسة من على خدي، وكانوا بيسألوني انتي مش بتحبينا؟ وكنت
وتابعت وفاء سالم: بوستهم كانت بتشوكني وبتشوك خدي وريحة نفسهم بالسجائر كانت بتضايقني وببقى عايزة أهرب من كل العالم ده؛ لأن أحضانهم كانت بتوجع جسمي النحيل، وأكتر حاجة لسه فكراها لحد دلوقتي وكانت بتوجعني وعاملة جرح في قلبي إن بعض القرايب كانوا بيقعدوني على حجرهم وبينتهكوا طفولتي البريئة، بينتهكوها بقسوة ووقاحة.
وأردفت وفاء: كنت في الأول مش بفهم وكنت بتكسف اتكلم، ودلوقتي كل ده شريط بيمر بيلف في دماغي وعمري ما نسيته ولما كبرت كنت بحس إن الطفلة لسه جوايا، ولسه جوايا البراءة، وكان بيحصل معايا حاجات شبه كده لحد وقت قريب، وبيدخلولي من مداخل انتي فتاة أحلامي، انتي كلك أنوثة وجمال، انتي محصلتيش، وكل ده عشان يوصلوا لحاجة، مش قادرة أنطقها، جوايا وجع كبير، وده كان من ضمن الأسباب إني مشيت.. لسه فيه حواديت وحكاوي هتسمعوها.