رسالة نارية من ياسمين عز للسيدات
قالت الإعلامية ياسمين عز عبر برنامجها كلام الناس المذاع على فضائية mbc مصر للزوجات: "امسكي جوزك الفرعون الكبير في إيدك وإلا هتاخدي بوكس من بتوع تايسون من فترة قولتوا إزاي صاحبتي تخطف جوزي؟ وأكلتوني بسنانكم، وسبحان الله ماعداش كام يوم وبقيتوا تقولوا عندك حق يا ياسمين، وممكن صاحبتك تخطط 10 سنين عشان تخطف جوزك منك، وبقولك امسكي جوزك الفرعون الكبير في إيدك وإلا هتاخدي بوكس من بتوع تايسون".
اقرأ أيضًا: محمد شاهين يعود للقاهرة ويلتزم بالراحة التامة
وأضافت عز: "جوزك لو اتساب مش هيتجاب وبلاش تتريقي عليا لما بقولك صاحبتك هتسرقه منك، إيه موضة تحكي لصاحبتك أسرارك دي؟ أنتوا بتدعوا لدين جديد؟ حرصي على جوزك واعملي الصح معاه وحاوطي عليه ولو مزنوقة في كلمتين فضفضي له لأنه هيهز راسه وهينسى وبلاش تثقي في صحباتك".
وتابعت : "كلامي دا لكل البنات وأي واحدة صاحبتها
وحذرت من الثقة المفرطة في الصديقات: "بلاش الثقة المفرطة في صديقاتك وأنا حذرتكم وقولت لك اعملي حدود للصداقة مع الكل وحياتك مع جوزك متكونش مشاع للجميع، وبقول كدا بناءً على الدين لأن مينفعش حد يختلي بحد وأنتوا بتكئبوني لأني مش بنظر عليكي وشوفنا أنه بيحصل أهو، ولازم تعملي الصح مع جوزك".