رسالة شديدة اللهجة من فريدة سيف النصر لرواد السوشيال ميديا
![فريدة سيف النصر](/themes/alwafd/assets/images/no.jpg)
وجهت الفنانة فريدة سيف النصر، رسالة شديدة اللهجة لـ رواد مواقع التواصل الاجتماعي، استنكرت بها كم الهجوم الذي تعرض له نجوم الفن من قبل، وزعمت أنها لجان مستهدفة للقضاء على الفن المصري.
اقرأ أيضًا:
فريدة سيف النصر تنعى الشيخ خليفة بن زايد رئيس الإمارات
وكتبت سيف النصر منشورًا عبر حسابها الشخصي على موقع التواصل الاجتماعي فيسبوك، قالت فيه: "أنا زعلانة علينا كلنا أوي.. المصريين أحلى، وأطيب، وأجدع من كده بكتير.. خفة دم، وكرم، وذوق.. ايه اللي حصل.. ليه بنستخبى ورا شاشات وننزل ننحر رقاب بعض.. الكلمة القاسية بتذبح.. بقينا نكديين مانعرفش نفرق بين جد وهزار، كله عايز يتخانق مع كله.. ايه ده؟ وكل يوم يعاملوك بوش أو حسب المصلحة".
وتابعت: "في ايه؟ بعض الناس ماسكين الفنانين وكأن في تار بلا أسباب دي عجزت، ودي كرمشت، ودي غيرت دينها، وده دمه تقيل، وده كبر في السن لكن بيغني، وده بيرقص كونغرو، وده اتكسح ودي روحي موتي كفاية.. مالكم في ايه بجد.. هما الناس دي ما اسعدكمش أعمالهم فترات من الزمن.. طيب بلاش انت مابتحبيش فلان غيرك بيحبه.. في
وأضافت الفنانة: "تحسوا مخطط لهدم الفنانين القوى الناعمة اللي فاتحين بيوت 14 مليون متخيلين؟ كل المهن شغالة معانا تحت أيديهم كام عامل واسطي كل واحد فيهم عنده أهل وزوجة وأطفال وفي اللي جوز ولاده وعندهم بيوت مفتوحة.. بتحاربوا تمن عدد البلد في أكل عيشهم.. اقرأوا كده المسلسل بيكتب ناس قد ايه عماله في العمل شوفوا وقولولي".
واختتمت رسالتها: "كفاية هد في الفن والوحش انقدوه بأدب والكويس شجعوه.. إنما تهزأوا فنانين كبار ليه يعني، على فكره أنا عارفة إنها لجان مستهدفة الفن المصري، والفن عمومًا ما هو العربي بيصب هنا.. هاه قرروا إيه.. هنشتم من ورا الشاشة، ولا هنقول كلام نصح حلو يا باشا".