رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

هاتزور بابا حسني في السجن.. وهاتجيبله إيه؟

الصفحه الاخيره

الأربعاء, 13 أبريل 2011 20:09
كتبت- مروة عمار:

احلم وحقق الحلم ..لسه الأماني ممكنة .. ما تمنوه بالأمس يتحقق اليوم ويبدد ما لاقوه من تعب ولوم خلال أربعة أشهر ويمدهم بطاقة ودافع للاستمرار.

تلك هي الحالة التي يعيشها شباب مصر الآن بعد قرار النائب العام بحبس الرئيس المخلوع ونجليه، حالة من الفرح والاستبشار بغد أفضل ظهرت ملامحها على الفيس بوك ووضع الشباب سؤالا ساخرا وإن كان على درجة كبيرة من الأهمية خلال المرحلة المقبلة ..
هاتزور بابا حسني في السجن .. طب هاتجيبله إيه في الزيارة؟

يقول خالد محمد هاجيبله عيش من الفرن عشان يعرف المصريين بيأكلوا ايه واجيبله معاها مية من الحنفية عشان يعرف كان بيشربنا ايه ومعاهم رسالة مكتوب فيها

دولة الظلم يوم ودولة الحق كل يوم ويؤيده محمد فيقول هاجيبله رغيف عيش مدعم محشو مسامير ومطلي بدهن الفران وكمان شوية فاكهة مسرطنة من بتوع والي الفكهاني.

وتتفق معه رانيا وتقول هما أكيد زهقوا من الديلفيرى يأكلوا الزلط اللي اكله للشعب..وتقول نادية ونجيبله ليه خليه يدوق اكل السجن احسن زي باقي الخلق.. ويكلمنا بقا عن حقوق الإنسان .

وتقول سمر أبو المجد هجيبله كوسة عشان هو بيمووت فيها...

وبعضهم ذهب في اتجاه آخر بعيداً عن الطعام تقول تغريد " أكيد طبعاً شاش وقطن من الضرب

اللى هياخدوا من المسجونين أما أحمد فيقول هاجيبله حاجة من ريحة حبيبه العادلي رصاصة وقنبلة مسيلة للدموع وعصا كهربية.."

وترى نيفين أن أفضل عقاب له هو صور الشهداء أن تزين زنزانته فتقول انا هجيبله صور الشهداء وأقوله دمهم ف رقبتك واللي فيه ده آية من ربنا إن الله يعز من يشاء ويذل من يشاء وهقوله هتروح من ربنا فين حسبي الله ونعم الوكيل.

أما نهى فكان لها رأي مغاير أن عقابه يجب أن يكون بصورة حفيده الذي ابتلاه الله بمرضه ووفاته ولكنه لم يتعظ وسأحضر معي أطفالي حتى يروا بأنفسهم الرجل الذي تظاهرنا من أجل خلعه ومحاكمته على جرائمه حتى يكون عبرة لهم بأن المخطئ مهما كانت سلطته يجب وأن ينال العقاب الملائم له ..

هؤلاء وضعوا اقتراحاتهم بمحتويات سلة الزيارة الأولى للرئيس المخلوع في زنزانته .. وأنت هاتجيب إيه لبابا حسني؟

أهم الاخبار