رئيس الحزب

ورئيس مجلس الإدارة

بهاء الدين أبو شقة

رئيس التحرير

وجدي زين الدين

فيديو: بلادى .. بلادى .. هوه ليه بقى موتنا عادى

الصفحه الاخيره

الأربعاء, 19 أكتوبر 2011 16:41
كتبت– سارة عزو:

بثت "ويلز بوكس wells box" للإنتاج الإعلامي الهادف على قناتها على "يويتوب" أمس الثلاثاء، أحدث كليب لهم بعنوان "لسه جوه البيت أفاعي"، ألحان وغناء مصطفى أمين وكلمات أشرف الشافعي، مونتاج  أسامة التلباني، وإخراج وائل عبد الله.


و"لسه جوه البيت أفاعى" أغنيه على وزن نشيد السلام الوطني، " بلادى .. بلادى "، وتقول كلمات الأغنية :"بلادي بلادي بلادي..هو ليه بقى موتنا عادي، مصر يا ظهري اللي محني لا ارتويت ولا نيل  لمحنى،  واللي آمنت له دبحني لما أعلنت اعتراضي، مصر يا وجعي اللي زاد قتلوا قدامي الولاد، لبسوني توب سواد، وإنتي حبسوكي انفرادي، مصر سيبك من كلامهم  كدبهم خافي سهامهم، شفنا إيه غير انهزامهم والخداع وضع اعتيادي".


وانتقدت الأغنية كذلك الإعلام المصري وإلقاء اللوم الدائم على ثوار 25 يناير ووصفهم في أغلب الأحيان بالـ"بلطجة" وعبرت عن ذلك

باقي كلمات الأغنية :"هيقولولك إيد خفية قلة صايعة وبلطجية، لسه فاكرينك هفية تنسي حقك بالتراضي، فوقنا من تامر في غمرة جت مذيعة عايزة عمرة، تفزع الناس من المؤامرة يحيا إعلامنا الحيادي، مهما هيداروا الحقيقية يوهموكي بميت طريقة، بردوا إيدهم مش بريئة من اللي عملوه النوبة دي، قولي للباشا اللي واهم إني حافظة وهو فاهم، مهما يضرب أو يداهم هرفض الأمر السيادي، فكريه لو هو ناسي بكرة مش دايمة الكراسي، وإن ردي هيبقى قاسي لو فضل ظالم وسادي، مصر يا غاية اندفاعي، لسه جوّه البيت أفاعي، محتاجين مليون رفاعي، يجمعوا عزم الأيادي"


وعلى صعيد آخر احتفى أعضاء صفحة "كلنا خالد سعيد" بكلمات الأغنية التي تتميز بالجرأة والطلاقة

في وصف مصر بعد الثورة، ومنهم العضوة عبير عبد المنعم فقالت :" ربنا يحميكم يا شباب بلادي و يرد عنكم كيد الأعادي، عواجيز بخيبة جرين وراهم مليون مصيبة، بس وحياتك يا غالية يا مصر يا أم الدنيا لنموت على ترابك ولا نسيب حقك و حق أولادك"، وأضاف معتز محمد :" بجد أغنية حلوة وكلماتها جريئة وفعلا هو ده حال مصر دلوقتي".

وقال محمد التهامي :" الرفاعية كتير والأفاعي هتمشي وهتغور في ستين داهية ومصر كلها رجل واحد والغبي هو اللي هيخسر"، وأضافت نادية الشافعي :" بسم الله ما شاء الله قصيده رائعة من صفحة الشاعر أشرف الشافعي كلماتها واعية وصوت عبقري عبر عن معاني الكلمات بروعة وإخراج جميل وبسيط لإظهار الأغنية بأجمل ما يكون"، وقال نهال الغرابلي:" طب كويس إنه عارف إن فيه يد خفية وكلنا عارفين إنها يد طويلة قوى بتحاول تتدخل فى اللى مالهاش حق فيه"، بينما اكتفت نهى تركي بكلمات بسيطة تعبر بها عن إعجابها ورأيها الخاص في الأغنية فقالت :"بكرة مصر أحلى بشعبها". 

شاهد فيديو الأغنية
http://www.youtube.com/watch?v=9PqMznvb2ng&feature=channel_video_title
 

أهم الاخبار