زلة لسان.. رضا عبدالعال يرد على اتهامه بالهجوم على منتخب مصر
رد رضا عبدالعال، على سؤال الإعلامي نشأت الديهي عندما سأله ما إذا كان يهاجم المنتخب الوطني، بعد مباراته الأولى أمام بلجيكا في كأس العالم 2026.
وقال رضا عبدالعال خلال حواره مع الإعلامي نشأت الديهي ببرنامج "بالورقة والقلم" على فضائية "Ten"، مساء الأحد، "أنا زعلت أننا مكسبناش الماتش الأول لأن الماتش كان سهل".
ممكن تكون زلة لسان
وأضاف رضا عبدالعال:"صحيح اسم بلجيكا كبير ولكن مش هتلاقي المساحات دي في المبارات المقبلة، وبعدين هل أنا هاجمت لاعيب بعينه، وفيه لجان بتهاجم مصر أنا مش بهاجم والله وممكن تكون زلة لسان".
وتابع "أنا اتكلمت في حاجات علشان منقعش فيها في المباراة القادمة، الشوط الأول كان مفيهوش غلطة وأنا انتقدت حتة علشان متحصلش تاني في المستقبل لما يكون محمد صلاح موجود في الملعب في أي وقت يخصلك المباراة حتى لو مكنش في مستواه ممكن في أي وقت يخلصلك المباراة بجون".
وكشف رضا عبدالعال عن توقعاته بشأن مباراة منتخب مصر أمام نيوزلندا ضمن الجولة الثانية من منافسات المجموعة الرابعة في بطولة كأس العالم 2026.
وقال "عبد العال": "نيوزلندا وإيران بيجروا ومش هيسبولك المساحات اللي كانت في مباراة بلجيكا، لأن بلجيكا كانت نازلة تكسب وكان فيه مساحات وضيعنا الفوز من ايدينا في الشوط الأول لأن في الشوط الثاني الفرق الكبيرة بتبدأ تلم نفسها".
وأضاف "في مباراة بلجيكا كنا قافلين مفاتيح اللعب وإحنا اللي كان عندنا مساحات ومدي الحرية لمرموش وصلاح علشان كده كنا زعلانين لأن الماتش لو كنت كسبته كنت ضمنت ثالث، واليوم لازم يلعب بنفس طريقة الشوط الأول في مباراة بلجيكا وأسوأ حاجة في إيران ونيوزلندا هو خط الدفاع وعلشان كده لازم نلعب على الحتة دي ويبقى فسه سرعة وترك مساحات لصلاح ومرموش".
تابعوا آخر أخبار بوابة الوفد الإلكترونية عبر نبض