ازدحام بشركات الكهرباء بدمياط.. والغضب يسيطر على المواطنين

توافد المئات من المواطنين على مقار شركة توزيع الكهرباء بمحافظة دمياط؛ لإجراء عمليات شحن العدادات مسبقة الدفع بعد وقوع السيستم الخاص، ببرنامج الشحن في المنافذ الخاصة بالشحن الفوري، خاصة أن العطل لا يجعل المواطن يستطيع شحن كارت العداد الخاص به، مما تسبب فى عمليات تزاحم المواطنين على مقار الهندسات التابعة لشركة توزيع الكهرباء بوجه خاص.

ويقول محمد سرحان  أحد أهالي مركزالزرقا بدمياط، أقف أمام مركز شحن عدادات الكهرباء أكثر من الساعة حتي اتمكن من شحن كرت عداد الكهرباء  واترك أبنائي في درجة حرارة الجو القاسية ويتساءل مين المسئول عن الإصابات اللي هتحصل نتيجة التزاحم أمام شركة توزيع الكهرباء ومن المسئول عن وقوع السيستم وإيقاف الخدمة عن  شركات الشحن مثل فوري أو أمان  وغيرها  مما أدى إلى التكدس أمام شركة توزيع الكهرباء وينتج عن ذلك المشاجرات بين المواطنين وامتهان كرامه المواطن 

وأضاف أحد المواطنين المتضررين، يقوم الناس بالشحن من شركة الكهرباء وذلك لأن جميع ماكينات الشحن الإلكتروني متوقفة في دمياط بصفة مستمرة خصوصا مع نهاية كل شهر.

فيما قال محمد سريه مواطن بمدينة الزرقا:" اللى بيحصل فينا ده لسه شاحن الكارت بـ100جنيهًا من يومين  وخلص النهارده وكمان الشحن الفوري السيستم واقف ونروح جميع شركات الكهرباء كلها زحمة مش كفاية عملتوا عدادات كارت لا كمان مفيش ليها شحن".

واستكمل حديثه قائلاً: "مش كفاية علينا طوابير العيش كمان طوابير شحن كرت الكهرباء، ناهيك في حالة تلف كروت الشحن نصبح في حيرة من عدم وجود كروت في حينه والرد بسهولة بعد يوم او يومين لحين ورود كروت للشركه طيب إيه الحل الرد بسهوله فوت علينا بكره ياسيد واعمل حسابك يبقي معاك من 100 إلي 150 جنيهًا ثمن الكرت الجديد مع العلم ان أصحاب الوساطة والمحسوبية ما زالت عدادات منازلهم القديمة ولم يتم تغيرها بعدادات الكارت ويبقي السؤال إلي متي تقاعس المسئولين في حقوق المواطن وامتهان كرامته بهذا الشكل المهين.