تعليق مثير من إيهاب الكومي على خسارة مصر بسداسية

علق إيهاب الكومي عضو اتحاد الكرة المصري، علي خسارة المنتخب الأولمبي بسداسية على يد نظيره منتخب المغرب، في المباراة التي جمعت بينهما ضمن منافسات نصف نهائي دورة الألعاب الأولمبية بباريس.
وتحدث يهاب الكومي عبر قناة صدي البلد مع الإعلامي هاني حتحوت وقال:"هتكلم بلسان المشجع المصري، النهاردة يوم حزين ومؤلم للكرة المصرية بالخسارة بسداسية أمام المغرب "

وتابع:" بس أكثر المتشائمين كان بيقول لو المنتخب الأولمبي عدى الدور الأول يبقى كويس ودول رايحين يتفسحوا مش هيعملوا حاجة".

وأكمل تصريحاته:" سقف الطموح بقى في السماء بسبب الأداء واللي عملوه لكن لما تلاقي منتخب بيلعب مرتين وراء بعض أشواط إضافية ومجهود غير طبيعي قدام صاحب الأرض لازم تعذرهم".

واردف عضو مجلس إدارة اتحاد الكرة:"منتخب مصر أول مره يتأهل لنصف نهائي أولمبياد باريس بعد غياب 60 سنه واللعيبه معذوره بسبب الجهد والضغط اللي شافوه وشاء من شاء وأبى من أبى احنا معانا ميكالي واحد من أحسن المدربين في الكرة المصرية".

واختتم:" الهزيمة بـ 6 أهداف عملت غليان في الشارع وعملت مرارة لينا كمسؤولين ، أنا كمسؤول لا أملك إلا الاعتذار للناس ومش من عادتي أستخبى".