أفشة يكشف سبب غضبه في مباراة سيراميكا
تحدث مجدي أفشة لاعب الأهلي عن حقيقة غضبه بعد تبديله في مباراة سيراميكا كليوباترا، التي أقيمت أمس الإثنين ضمن مؤجلات الجولة التاسعة عشر من الدوري الممتاز.
كتب أفشة عبر حسابه على موقع التواصل الاجتماعي "إنستجرام"،: حابب أوضح حاجة علشان للأسف بعض الناس هيبدأ يتداول حاجات ويفسر حاجات مش مظبوطة، أنا امبارح بعد التغيير كنت زعلان جدا جدا من نفسي وكنت حاسس إني محبط جدا ومعملتش حاجة للفرقة خاصة إني بدأت الماتش وكانت حابب يكون ليا إضافة، أيام اللعيب أو الرياضي عموما بيبقي فيها حاجات محبطة زي كدة.
وتابع: أنا حتى نشرت إحصائية فيها صفر صناعة وصفر تسجيل، عندي أفضل من كدة أكيد، مصدرش مني أي شيء ناحية الجهاز الفني اللي طبيعي يغير ويبدل واللاعيب لازم يحترم قراره تحت أي وضع.
وأضاف أفشة: ولا حتي الكابتن خالد بيبو اللي في لحظتها قلتله مفيش أي حاجة وقعدت وهديت، معلش لحظة غضب وراحت، لحالها وإن شاء الله الجاي أفضل.