أغاني الحج الصعيدي .. رايحة فين يا حجة الأبرز
تعتبر زفة الحجاج من أهم العادات الشعبية في وداع الحاج، ومن أبرزها رايحة فين ياحجة يام شال قطيفة.. رايحة أزور النبي محمد والكعبة الشريفة”، بهذه الأغاني يودع أهالي الصعيد في القري أهاليهم عند سفرهم لأداء فريضة الحج، ففور إعلان قرعة الحاج واختياره لأداء مناسك الحج، تبدأ مراسم التجهيز للحاج قبل رحيله عن بلده.
أشهر أغاني الحج الصعيدي :
أغنية “رايحة فين يا حجة”
" رايحة فين ياحاجة .. بتوبك القطيفة.. رايحة أزور النبى محمد والكعبة الشريفة " ، و " أركبى ياحاجة وردى غطاكى .. مايرعبكيش المالح( أي لا تخافى من أمواج البحر الأحمر ) دا ولدك فى طولك( أي ابنك الذى بصحبتك صار كبيرا) .. وأركبى ياحاجة وردى غطاكى .. مايرعبكيش الجمل ولدك وراكى ".
أغنية ياوابور السفر لأحنى قلوعك
" ياوابور السفر لأحنى قلوعك .. سيد المرسلين يكتب رجوعك .. حج من عندنا صغير بشوشة.. السنه حجتك ومن عاش عروسة".
أغنية يا حاج خد أختك عديلة
" ياحاجج ياحاجج خد اختك عديله .. تنكتب لك حجه وتبقى جميلة .. ياحاجج ياحاجج خد اختك قبالك .. تنكتب لك حجة وتسلم جمالك .. يانبى يانبى ياللى ندهته .. نوله حجته ورده لأهله .. يانبى يانبى ياللى ناديته نوله حجته ورده لبيته ".
أغنية يا بشير الهنا
" يابشير الهنا يارايح بلدنا .. قول لأبويا العزيز يزوق عتبنا .. يابشير الهنا يارايح بلادى .. قول لأبويا العزيز يزوق عتابى .. زوقوا البوابة وحتى عتبها .. وعملوا لى الزواق غزالة وولدها .. زوقوا البوابة وحتى العتابى .. زوقوها مليح لما الحج ياجى ".
أغنية يا للى على الحج ناوى
“يا للى على الحج ناوى..وزيارة طه نبينا..بلغه منى سلامى..وقول له مشتاق بيحبك..وحبك يانبينا الغالى..حرم عليا منامى ”.
أغنية على الميناء واستنى شوية
“على الميناء واستنى شوية..الباخرة رايحة وجاية..محلى جمالها فى المايه..محلى صلاتك يانبى..ميادين وطرق الحج والإبداع” .
أغنية بعيدة بعيدة يا بلاد الرسول
“ بعيدة بعيدة يا بلاد الرسول..بعيد بعيد يا طريق النبى..بعيدة بعيدة ونفسى أزور..وأمسح بإيدى شباكه الكريم..وأكحل عيونى بنور البشير..بعيدة بعيده يا أرض الحبيب..بعيده بعيده..وان اعطانى ربى..لأروح لك سعيده..يابدر يانور..ولا مال معايا يا كريم يا ربى..يارب العطايا ولا مال فى إيدى..ترزقنى بكرمك ياكريم ياحنون..بعيده ونفسى أزورك يا نبى..بعيدة ونفسى وان اعطانى ربى..لأروح لك بزفة.. هنيالك وعقبالنا”.
