السيسي: 220 مليار دولار أرباح قناة السويس منذ عام 1975 (شاهد)
أكد الرئيس عبدالفتاح السيسي، أن أرباح قناة السويس منذ عام 1975 بلغت نحو 220 مليار دولار.
وقال السيسي خلال كلمته في افتتاح مشروعات جديدة في مجمع الصناعات الكيماوية في محافظة الجيزة، إن دخل قناة السويس 70 مليارًا، مستطردًا :"ناس تقول طيب فين إحنا؟ استنوا عليا!!.. الدولة غلبانة قوى، أنا أسف إن أقول كده، إذا ما كنش نحرم نفسنا ونعمل مش هتتعمل..والله العظيم أنا صادق معاكم، وبقول كل كلمة وربنا سبحانه وتعالى شاهد عليا، وربنا وحده اللى هايحاسبني ويكون ليا أجر ورضا على اللى إحنا بنعمله".
اقرأ أيضًا.. السيسي: نبذل جهدًا كبيرًا لاستقرار الأسعار وعدم زيادتها (شاهد)
وتابع: "مش هننفع نمشى بالطريقة اللى إحنا بنعملها .. لازم يكون فيه أوعية موجودة وهي بتتعمل صعبة شوية، ما هو الكلام ده بيتاخد من وزارة المالية، لما بتخش الوزارة ما فيش أمل لازم تخلص، لكن أخليها في الصندوق هو بيقعد يفرك في المالية والحكومة".
وواصل السيسي: "لو هيئة قناة السويس عاوزة تخش في مشاريع تمويل أرباحها 500 مليون في الشهر، طيب السنة اللى جاية ممكن تعمل مليار في الشهر والسنة اللى بعدها يبقا مليارين واللى بعدها يبقا 3 مليار في السنة، مش أنتم قولتولي في رقابتك؟ .. وأنا والله العظيم بحاول أعمل على ما قد ما ربنا يقدرني".
وأكمل: "الناس عاوزة تعرف وتطمن أنه ما يكونش فيه حاجة غلط أو هاتبقى غلط".. مش هنقول أن كل من اتكلم أنه مغرض .. وفيه ناس خايفة.. والخوف بقا سمة موجودة عندنا.. ومش ما صدقين أن إحنا ممكن نعمل، وإن شاء الله هنعمل وهنعمل".
وأوضح السيسي: "بتكلم عن الافتتاح الجديد سنة 75 قناة السويس جابت 220 مليار دولار، لو حد كان شال 10 % من الرقم ه وحطه في صندوق، كان زمان النهاردة
وأكد السيسي أنه لا بد من وجود أوعية إدخارية لدى الوزارات والهيئات المختلفة، لافتا إلى أنه في الفترة الماضية حدثت موجة كبيرة تجاه الصندوق الاستثماري لهيئة قناة السويس.
وأضاف: "مش بتقولوا فيه مشاريع تتعمل قد تؤثر على دخل قناة السويس في يوم من الأيام.. ده يخليني أعمل ده.. التأثير قد إيه.. ده كلام نظري خالص بس برد عليه.. يبقي عندي دخل.. وأعمل مشاريع تانية وشركات تانية.. بالفلوس والتدفق المالي الشهري ادخل في مشروعات مثلا 500 مليون في الشهر.. أو أكثر من كده.. خلي بالكم".
وأكمل: "في البلاد اللي زي حالاتنا اللي ظروفها الاقتصادية لا تتحمل.. لازم تكون فيه أوعية على جنب.. والكلام ده أنا عملته في وزارة الصحة، وفيها دلوقتي 70 مليار جنيه"، لافتا إلى أن صندوق الصحة تم إنشاؤه من أجل مشروع التأمين الصحي الشامل.
يفتتح الرئيس عبدالفتاح السيسي صباح اليوم مصنعي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبورواش بمحافظة الجيزة.