ميار الببلاوي تُفجر تفاصيل خيانة نشوى مصطفى لها للمرة الأولى.. دينا كلمة السر (فيديو)

 فتحت ميار الببلاوي النار على الفنانة نشوى مصطفى بتصريح مثير للجدل يكشف كواليس خلافهما معًا حينما كانت أقرب صديقاتها في الوسط الفني، وذلك خلال لقائها مع الإعلامية مروة صبري ببرنامج "قعدة ستات" المُذاع  عبر قناة "القاهرة اليوم" الفضائية.

 

اقرأ أيضًا.

نجلاء فتحي تثير الجدل بتصريحات مُسيئة عن شهر رمضان.. فيديو

 

القصة الكاملة وراء خيانة نشوى مصطفى لميار الببلاوي

أوضحت الببلاوي، أنها بدأت مسيرتها الفنية مع الفنانة نشوى مصطفى، لافتة إلى أنها كانت السبب في اعتزالها الفن نهائيًا وارتداء الحجاب ولكنها أكملت طريقها في الوسط الفني، إذ قالت: "بدأت نشوى مشوارنا الفني واشتغلت معاها كتير وكنت بعتبرها صاحبة عمري، لدرجة أنها كانت وراء قرار اتخاذي الحجاب، خلتني أتحجب وهي كملت في الوسط الفني".

 

 

ميار الببلاوي: نشوى مصطفى أقنعتني بارتداء الحجاب واعتزال التمثيل

وأضافت: "خطيبي اللي هو وائل أبو ابني حاليًا كان عايزني أسيب الوسط الفني وكل شوية يعملي مشاكل وحتى أنا كمان كنت بفكر أتحجب.. فكلمت نشوى حكتلها ونصحتني وقتها بمنتهى الشفافية والأمانة إني اتجوز وأعمل بيت وقالتلي وإيه يعني احنا ناس لو اختفينا مش هيتحس بينا والموضوع أصلا مش بيستمر وكام سنة والجمهور مش هيعرفنا ولا هيتعامل معانا، اللي باقي البيت والعيال، حتى أنا روحت قعدت أفكر في كلامها وخدت قرار الجواز والحجاب، فأنا طول عمري بقدرها أنها نصحتني بحاجة زي كده".

 

 

وأردفت "الببلاوي": "بس لما حصل موقف بينا أنا جالي ذهول، متخيلتش أن الشخصية الخدومة واللي صاحبة صاحبها زي نشوى تعمل معايا كده، هى قلبت عليا والدنيا اتقلبت وابتدوا الإخوان واللجان الإلكترونية يستلموا الموضوع، لما اتكلمت أيام الكورونا عن دينا الراقصة".

 

 

واستكملت: "عقبت على كلام دينا لما قالت إن احنا بنضحي بنفسنا عشان ننزل نصور ونسعدكم في رمضان.. وكان في دماغي وقتها لا أنتي متنزليش ومتعرضيش نفسك للخطر، رمضان هيجي سواء أنتي عملتي عمل درامي أو لا، لكن مش مشكلة لو رمضان جيه من غير مسلسلات، وهو شهر عبادة وطاعة مش مشكلة اتفرجنا على مسلسلات أو لا، "إيه الغلط في اللي أنا قولته ؟."

 

 

بداية الخلافات بين ميار الببلاوي ونشوى مصطفى

وكانت الفنانة نشوى مصطفى انتقدت ظهور ميار الببلاوي في عمل فني في الموسم الرمضاني 2021، ردًا على هجوم الأخيرة على نجوم الوسط الفني العام الماضي لانشغالهم في تصوير المسلسلات في شهر رمضان باعتباره من اللهو.

 

 

وكتبت نشوى عبر حسابها الشخصي بموقع التواصل الاجتماعي الأشهر عالميًا "فيس بوك": "السنة اللي فاتت في نفس التوقيت زميلة عزيزة محجبة قالت نصًا أي ممثل بيشتغل في رمضان حرام عليكم سيبوا لنا رمضان نتعبد فيه واستعدت الناس على زمايلها اللي بيمثلوا مسلسلات رمضان وزعلت منى لما دخلت عاتبتها، الدهشة إنها السنة دي مشتركة في مسلسل بتمثله دلوقتي هيتذاع في رمضان"، متابعة: "ربنا يوفقها أكيد هي حرة بس فكرة تغيير المواقف حسب المصلحة لفت نظري".

 

 

ميار الببلاوي تهاجم نشوى مصطفى: لا تعليق على كلامك وأتمنالك

الهداية

من جانبها، خرجت "الببلاوي" حينها عن صمتها لترد على هجوم الفنانة نشوى مصطفى، مُعربة عن مدى دهشتها خلال منشور عبر صفحتها الرسمية على "فيس بوك" وقالت: "اتفاجئت من بعض المتابعين ليا على الفيس بوك بعتولى اسكرينه بكلام منشور من زميلة محترمة بتروج إشاعة معرفش إيه مصدرها ولأن مش متابعاها للأسف مخدش بالي أنا معرفش هى بتتكلم عن إيه بس أنا لا تعليق ولازم كلنا نفهم أن محدش بياخد رزق حد وكله بإيد ربنا واحتراما لروح الزمالة اللى بينا والأيام الفضيلة اللي احنا فينا لا تعليق على كلامك وأتمنالك

الهداية".

 

 

نشوى مصطفى تفتح النار على ميار الببلاوي: حرام عليكي اللي بتعمليه

ولم تكن هذه المرة الاولى التي تتعرض فيها ميار الببلاوي للهجوم من قبل نشوى مصطفى، ففي العام الماضي هاجمتها أيضًا بسبب تهكمها على أهل الفن المشاركين في موسم رمضان 2020 وبخاصة الراقصة دينا، وجاء ذلك خلال منشور عبر موقع فيس بوك.

 

 

وكتبت نشوى: "ودي زميلة ممثلة ومش معتزلة على فكرة لأن قريب كانت بتمثل عادي، والأخت مش عارفة إنه حرام تغتاب زميلة ليها وحاطة صورتها.. لا حول ولا قوة إلا بالله، هو أنتِ يا ميار اعتزلتي التمثيل؟ أصلك لحد قريب كنت عارفة أنك بتمثلي عادي حتى لو في رمضان.. وبعدين الممثلين يضيعوا عليكي رمضان ليه؟ أنتِ عاقلة بالغة وبعدين ياستي اجتهدي وقاومي زمايلك الشياطين اللي بيلهوكي عن عباداتك علشان الجهاد ثوابه كبير ربنا يرزقك الجنة ويهدي زمايلك الأشرار.. يا ميار حرام تستعدي الناس على زمايلك وتقولي للناس مين معايا".

 

 

ميار الببلاوي تعتزل التمثيل وتتجه لتقديم برامج التوك شو

يُذكر أن الفنانة ميار الببلاوي قررت اعتزال التمثيل منذ فترة، واتجهت إلى تقديم البرامج التليفزيونية التي تتعلق بكل ما يخص المرأة والمجتمع، وتنقلت بين العديد من القنوات الفضائية، وتقدم حاليًا برنامج "نادي النساء السري" عبر قناة "الشمس" الفضائية.

 

 

لمزيد من أخبار المنوعات على بوابة الوفد اضغط هنــــــــــــــــــــــــا