عبير صلاح الدين عن خلافها مع محمد صبحي: جالي اكتئاب والأرزاق على الله (فيديو)

 روت الفنانة عبير صلاح الدين، للمرة الأولى، تفاصيل خلافها مع الفنان محمد صبحي، خلال الأجزاء الأخيرة من مسلسلهما الشهير يوميات ونيس، وأبلغها من البعض أن هذا الخلاف سيمنعها من العمل في المجال الفني.

 

اقرأ أيضًا

حقيقة إهانة محمد صبحي للشعب المصري (فيديو)

 

 قالت عبير صلاح الدين، خلال حوارها مع  الإعلامية ياسمين عز، ببرنامج كلام الناس، المذاع عبر فضائية "إم بي سي مصر": "الحقيقة بتزعل، لو قلت الحقيقة هزعل ناس كتير جدًا، وهيزعلوا مني ناس كتير، وهتهاجم جامد واللجان الإلكترونية هتدخل هتروقني ومحدش هيصدقني، وهيقولوا هو اللي عملها بس ربنا شاهد وربنا عارف".

 

وأضافت: "الجزء السابع من مسلسل ونيس مكنش ينفع إننا نكمله، لأنه كان مط وتطويل وحصل فيه خلافات كتير وتوقف التصوير مدة 6 شهور صورنا فيه شغل وناس اتخانقوا مع بعض فمشيوا فاضطرينا نعيد التصوير تاني ببلاش من دون أجر".

 

 وأردفت: "كملنا الجزء السادس وإحنا في حالة شد وجذب وناس مشيت وناس قعدت.. أنا كان مشاهدي فيه صامت، ولما خلصنا الجزء السابع بطلوع الروح، وأما قالوا هنعمل التامن أنا رفضت، فمحمد صبحي قالي إزاي تعملي كده"،

معقبة: "الناس اللي قريبين مني قالوا لي أنتي الحل بتاعك حاجة واحدة، هي أنك تستسحملي الأستاذ محمد صحبي علشان تعرفي تشتغلي، قولت لهم لا مش هعمل كده أنا مغلطش".

 

 وأوضحت: "أنا قلت لا مش عايزه أكمل المسلسل ده، من حقي كممثلة أني مش لاقية نفسي في الدور، لأني مش هحرق الشخصية بعد نجاحها".

 

 واختتمت: "دي كانت وجهة الاختلاف، وقالوا لي أنتي كده مش هتشتغلي خالص، وهتقعدي زي ما ناس كتير قعدت، فقولت الرزق على الله أنا ما غلطش في حاجة أنا كنت بقول رأيي"، متابعة: "حاولت لحد ما جالي اكتئاب خمس سنين من 2010 حتى 2015 قاعدة في البيت وكل حاجه بتتقفل في وشي".

 

للمزيد من أخبار الميديا اضغط هنا