شيرين عبدالوهاب عن حسام حبيب: عيشني في مصيدة فئران وخسرني أمي

تصدرت المطربة شيرين عبد الوهاب محركات البحث، بعد تصريحاتها خلال مداخلة هاتفية مع الإعلامية لميس الحديدي عبر برنامج "كلمة أخير" المذاع على قناة "أون"، والتي أدلت فيها بأن حسام حبيب هو من حلق لها شعرها.

 

(اقرأ أيضًا) شيرين عبدالوهاب تكشف الشرط الوحيد للعودة إلى طليقها حسام حبيب |فيديو 

 

وعلقت شيرين على أزمتها مع طليقها حسام حبيب: "أنا آسفة إنى بتكلم فى موضوعى.. الناس والبلد عندها مشاكل وأنا حاسة إن موضوعى بوّخ.. أنا بتأسف على الكدب اللى كدبته عشان أخلى صورة إنسان تبقى كويسة، وأنا بالذات مش بحب الكذب، كذبت فى حاجات كتير قوى عشان أنا بنت أصول، وممكن يروح الإنسان ده يتجوز من عائلة تانية، وأنا بصراحة نفسى يتجوز ويغور ويبعد عنى".

 

وأضافت: "كل خناقة تحصل ما بينا يحرق دمى لحد ما أمسك المكنة وأحلق شعرى.. وطلعت غنيت عشان بناتى مايتعقدوش وحسستهم إنه ولوك وعملت حفلة.. ولما رجعنا

لبعض تانى رجعوا تانى البنات يشوفوا إنه بيتدخل فى كل شيء وإنه إنسان معندهوش شغل وكرهنى فى بناتى، حاولنا نرجع لبعض وقالوا إن حسام كتف شيرين وحلق لها شعرها.. وقولت فى آخر المكالمة كنت بحبه عشان أرحمه من كلام الناس، ولكن هو فعلا اللى حلق لى شعرى.. وشوفت أيام سود معاه".

 

وتابعت شيرين: "كنت بحاول أجمّل صورة حسام، ولكن الناس عارفين كل حاجة، وعمالة أجمّل وأقول كلام كذب والناس أذكية جدا، كنت عايشة مع راجل مبيشتغلش ومش بيروح لأهله، إنسان موذى جدا وخسرنى كل الناس خسرنى أمى وأبويا والسواق والشغالة".