مصطفى درويش: الأزهر قال كلمته ومقبلش حد يشكك في الكتب السماوية

 علق الفنان مصطفى درويش، على حسم الأزهر لمعجزة معراج النبي بعد تصريحات الإعلامي إبراهيم عيسى، التي أثارت الجدل خلال الساعات الأخيرة، وذلك عبر صفحته الشخصية على موقع التواصل الاجتماعي "فيسبوك".

 

اقرأ أيضًا.. مصطفى درويش يعتذر عن فيلم "الملحد" بسبب إبراهيم عيسى (تفاصيل)

 

وكتب "درويش" عبر صفحته قائلًا: "الأزهر قال كلمته ونصر الحق.. ممكن مسمعش صوت معارض لو سمحتم لأن إحنا مرجعيتنا للأزهر وأنا ولا شيخ ولا حاجة أنا لسة بادئ انتظم في الصلاة من قريب وكان بعد مشكلة حصلتلي فقربت من ربنا".

وتابع: "واعتذاري عن الفيلم جيلي في أصعب ظروف محدش عارف عنها حاجة محتاج ماديات فعلًا ومحتاج شغل لأني لسه في أول الطريق، فأكيد اعتذاري

عنه كان على عيني بس ديني أهم وأنا لا غلط في الأستاذ إبراهيم ولا غلط في حد أنا بس أخدت قرار أدافع عن الصلاة اللي بصليها والإسلام اللي هو ديني ودين أمتي".

 

وأضاف: "لو كان الأستاذ غلط في أي ديانة مسيحية أو غيرها كان هيبقي نفس موقفي.. أنا مسلم مؤمن بكل الرسل والديانات السماوية ومقبلش حد يشكك في الكتب السماوية واسكت.. نقفل الموضوع ده علشان أخد أكبر من حجمه".