محمود الليثى: الإنفلونسر مش شغلانة.. وبلوجر ترد: إحنا لينا نفع عنكم

اشتعلت حرب كلامية بين الفنان محمود الليثى والإنفلونسر "مريم سيف" ، عندما نشر الأول تدوينة عبر حسابه على "فيسبوك"، جاء فيها: "لما نقول الانفلوانسر مش شغلانه تسمعوا الكلام"، فى حين اعادت سيف نشر تدوينته على حسابه بـ"انستجرام " وعلقت "معلش يا أستاذ محمود الفاضل وإنت كنت إيه لما طلعت واللي شهرك اليوتيوب وبعدها بقيت ممثل؟.. وبعدين متنساش إن الممثلين دلوقتي لما بينطفوا مرة مبيرجعوش تاني وأنت شغلانتك إيه؟ مش قدام الكاميرا زينا ولا إيه؟ ولو الكهربا قطعت بتنطفو أنتو كمان ولا إيه النظام؟".

إقرأ أيضًا .. محمود الليثي يثير قلق جمهوره بعد إصابته وعائلته بكورونا

وتابعت سيف : "قالك أنفلونسر مش شغلانة ع الأقل احنا لينا نفع عنكم والله.. طب خلي ممثل كبير يتكلم طيب يا جدع مش كده.. أنا قولت محمود حميدة بيتكلم مثلاً اتخضيت لما لقيته محمود الليثي".

كما  أعادت نشر إحدى الرسائل تعليقاً على ما قالته: "نسي لما كان بيطلع يقول مكنتش بلاقي الـ 10 جنيه في جيبي وبركب رجلي علشان معيش حق المترو وغيره وغيره"، وعلقت عليها قائلة : "بالظبط مش معنى إن ربنا كرمك تقلل من أي حد وتقول كده وأنت شغلانتك مش شغلانة ممكن تتوقف في أي لحظة، ما كل واحد يخليه في حاله أحلى له محدش ملاك قرف بجد".

وجاء رد محمود الليثي عليها  "بصي يا أستاذة ياللي مش عارفك أولا أنا مغلطش فيكي لشخصك وأنت غلطي فيا.. ثانيا أنا ليا أصحاب كتير أنفلونسر وأشهر منك بمراحل أخدوا الموضوع بهزار عادي

دا لأن فعلًا دي مش شغلانتهم الأساسية.. ثالثًا لو انتي شايفة إن الممثل مش بينفع الناس وأنت بتنفعيهم فدا قلة فهم منك ودا مش هلومك عليه عشان دي حاجات مينفعش نشتريها.. بنتولد بيها".

واستطرد عبر خاصية "ستورى" "رابعا كونك تقول دا مكنش معاه 10 جنيه يركب مترو وتتريقي على دا.. فدا مصدر فخر ليا إني كنت أمل لشباب كتير إنهم يبدأوا من الصفر وينجحوا.. ورحلة كفاح انبسط إن الناس تعرفها.. خامسا الفن دا مهنة زيه زي الطب والهندسة ولو حضرتك بتقرأي في التاريخ هتعرفي إنه موجود من يوم ما اتوجدت الحضارة وغير شعوب، عمل ثورات مش مرتبط بالكهرباء زي ما بتقولي".

وختم تعليقه: "لو الأستاذ محمود حميدة شاف كلامك دا كان هيخليكي تعتذري للفن والفنانين كلهم اللي بتقللي من دورهم وكان هيفهمك ازاي تتكلمي بأسلوب راقي عن كدا".

موضوعات ذات صلة 

شاهد .. محمود الليثي بالضفاير في مهرجان الجونة

مايا دياب تثير هوس الجمهور بفستان مثير (صور)

فيديو.. دياب: مفيش حاجه اسمها أغاني مهرجانات