جهاز حماية المستهلك كلمة الفصل في عودة حق مواطن من صاحب معرض سيارات
تعرض أحد المواطنين "مصطفى.ح" لعملية نصب مكتملة الأركان من صاحب معرض للسيارات بكفر حمزة في مركز الخانكة بمحافظة القليوبية.
بداية القصة تعود إلى شراء المواطن سالف الذكر سيارة نقل شيفرولية رقم د م ق 5674 من معرض سيارات بكفر حمزة بعقد بيع ابتدائى بتاريخ 25/05/2020 وقام دفع مبلغ 100000ج والباقى تم تسجيله فى العقد الى جانب ايصلات امانة بالاقساط وايصالات ضمان على بياض على الشارى واخوة الضامن.
وقال المواطن "وقتها ادعى فقد الرخصة وعملنا بناء عليها محضر فقد، ونتيجة خلاف حصل مع ناس قرايب لينا مع صاحب المعرض احنا مش طرف فية اتفاجئنا بصاحب المعرض محرر ضدنا محضر بسرقة العربية ورفع ايصالات الضمان وكتب فيهم مبالغ كبيرة على الشارى واخوة الضامن وكلهم بتاريخ واحد 23/06/2020 أي قبل شهر على شراء العربية ودة عشان اللى هيرد بان تصرف صاحب المعرض بناء على عدم سداد باقى المستحقات لان مكنش جية حتى ميعاد اى قسط بالعكس كان فى مبلغ 10000 ج فاضله راح المشترى دفعهم وصاحب المعرض قبلهم ومجبش سيرة المحاضر اللى عملها".
وتابع "قدم الشارى عقد البيع للنيابة فى محضر السرقة التى حفظت المحضر لما اطلعت على العقد وصاحب المعرض لم ينكر".
وأضاف "حبينا نحل الموقف وبعتنا ناس تتفاوض معاه بس كل اللى سعى ليه صاحب المعرض هو محاولة اخد اى مبالغ تانية مننا من غير ما يرجع عن موقفه اما بتكملة البيع او ارجاع مبلغ العقد وايصالات الامانة".
وقال "بعتنا شكوى لجهاز حماية المستهلك الذي اتصل بصاحب المعرض وحينها وافق على فسخ العقد مقابل انه يرد مبلغ العقد وايصالات الامانة واحنا نرد السيارة، وفعلا اتحدد ميعاد ورحنا وطمنونا فى حماية المستهلك ان مفيش اى مشكلة من الذهاب للمعرض لأن جهاز حماية المستهلك هو من أشرف على تحديد الموعد".
وأشار "رحنا للمعرض والميعاد كان مجرد كمين استولى فيه صاحب المعرض عن السيارة وكان فيها مبلغ 70000جنيه كنا واخدنها عشان لو اتفهمنا على استكمال البيع".
وتابع "كلمنا حماية المستهلك طلبوا مننا ابلاغ النجدة، وطلبنا النجدة لضبط السيارة بالمبلغ اللى فيها فى المعرض لكن مجرد ما النجدة كانت بتتواصل بالقسم التابع ليه المعرض فى الخانكة رفضوا انهم يجوا يضبطوا العربية وطلبوا نروح القسم
وتابع "رجعنا تانى اتصلنا بالنجدة وردوا بان لازم نستنى قرار النيابة الصبح وده بدل مكانوا يضبطوا العربية قبل ماتتهرب هى والفلوس اللى فيها او يفرغوا كميرات المعرض عشان تاكيد البلاغ ".
وأضاف "فوجئنا بعد ذلك ان السيارة غير مملوكة للمعرض وانها باسم شخص آخر وهو باع لنا بموجب عقد ابتدائى غير قانونى لأن العربية عليها حظر للبنك وده طبعا فهمنا سبب ادعاء صاحب المعرض بفقد الرخصة".
وتابع "استمرت قضية ايصالات الامانة المرفوعة ضدنا حتى أخذ الشاري وأخوة احكام".
واختتم المواطن شواه قائلا "خلاصة الموضوع ازاى يبقى صاحب معرض كل علاقتنا بيه شراء سيارة يسلم للشاري وأخوه مبالغ على سبيل الامانة ويحرروا بيها ايصالات فى نفس الوقت اللى هو بيتهمهم بسرقة سيارة من معرضة واللى فى الاصل قام ببيعها له وكل ده ثابت بالمحاضر والعقد ومحرر من صاحب المعرض".
وينتظر المواطن في الوقت الحالي كلمة الفصل من أحد المسؤولين بجهاز حماية المستهلك (أ/ مصطفى) الذي تواصل معه وقام بترتيب موعد اللقاء مع صاحب المعرض، حيث أنه مطالب بإدلاء شهادته في المحكمة يوم 17 نوفمبر الجاري.