الحجاب.. الإفتاء تحسم الجدل على "السوشيال ميديا"

 أكدت دار الإفتاء المصرية أن الحجاب فرض على المرأة، على رغم أنه ليس من أركان الإسلام الخمسة، إلا أن تركه معصية، وعلى رغم استدلالات الأزهر الشريف ودار الإفتاء بقول الله تعالى: "لْيَضْرِبْنَ بِخُمُرِهِنَّ عَلَىٰ جُيُوبِهِنَّ".

 

 ولكن هناك البعض يفسره على أن الخُمُر مجرد الغطاء، ولا يقصد به غطاء الرأس، مستنكرين فرضية الحجاب، التي لا يقتنعون بها، على رغم تأكديات دار الإفتاء، بأن الآيات الواردة في القرآن عن الحجاب واضحة وصريحة، وغير مقبول التناقش في هذا الأمر.

 

 إلا أن البعض يُصر على الاستنكار بأن الحجاب فريضة، ويفسرون آيات القرآن، على أَهْوَائهُمْ، ويؤكدون أن الحجاب حرية شخصية، وهذا ما حدث بين بعض نجوم الفن، والإعلام، ورجال الأعمال. 

 

 كانت النجمة حلا شيحة عادت مرة لعالم الفن، بعد خلعها الحجاب، وأثناء حضورها في أحد البرامج الفضائية الشهيرة، وذلك منذ أيام قليلة ماضية، صرحت بأن الحجاب ليس فرضًا، مما آثار غضب رجال الدين.

 

 كانت النجمة حلا شيحة صرحت قائلة: ربنا رحمن رحيم، بدليل أننا نقلع الحجاب ولا يعاقبنا ويسامحنا.. ربنا بيحب الحجاب بس ده مش الأساس، وعن فكرة ارتداء الحجاب للمرة الأولى، أوضحت: "بني آدم حاجتين روح وجسد، فكرة الصلاة والقرآن حاجة حلوة وملهاش علاقة بالحجاب والتدين، كنت طول الوقت بدور على حاجة حلوة ومش لقياها، أول مرة أحس إني بكلم ربنا في الوقت ده.. حبيت الصلاة بزيادة، وبدأت أقرأ القرآن وحسيت براحة نفسية، وحسيت إني مش قادرة أكون في حاجتين، وشعرت بأن وجودي في المجال الفني غير صحيح، وده كان غلط وكان لازم أوازن".

 

 وأوضحت قائلة: "ربنا مش عايزنا شبه بعض، عايزنا نكمل بعض، الورد في الشجرة الواحدة مختلف الألوان، وصوابعنا كمان مش زي بعضها، أنا مش شيخ عشان أخليني لابسة الحجاب أنا بني آدم.. إننا نربي أبناءنا على مفاهيم خاطئة قائمة على الخوف من الله والعقاب، وعلينا تربيتهم على حب الله والتقرب منه".

 

 

 ومن ثم وجه الداعية مصطفى حسني رسالة عتاب، ولوم للنجمة حلا شيحة، عبر حسابه الرسمي بموقع التواصل الاجتماعي فيس بوك، قائلًا: "ونرجع من تانى للعبثية في الدين، أنا أختلف مع حلا شيحة، أو أتفق ده مش مهم، لكن اللي هي بتقوله مهم، لأنه من الآخر بيلاقي رواج، بمعنى إنه بينتشر كالنار في الهشيم، معنديش مشكلة أنك اتحجبتي ورجعتي، اتنقبتي وبعدين قلعتي الحجاب، دى حرية شخصية، وأنتى اللي هتتحاسبي.. (فَذَكِّرْ إِنَّمَا أَنتَ مُذَكِّرٌ.. لَّسْتَ عَلَيْهِم بِمُصَيْطِرٍ...)، وبالتالي أنا مليش أني أقولك أعملي أو متعمليش، لأني شخصيًا من مؤيدي إحياء الشعائر عن اقتناع وحب، مش غصب وفرض رأى وعادات مجتمع، لكن.. أنك تبتدي تقنعي نفسك بأنك صح وبأنك توصلي فكرة غلط عن القرآن فده مفيهوش تهاون وواجب ردعك، يعني أنا شخصيًا كل ما أشوفك أقول اللهم يا مقلب القلوب ثبت قلبي على دينك الحق، وفهمت ليه الرسول "صلى الله عليه وسلم" وهو معصوم كان بيردد الدعاء ده، بالنسبة لترتيب سور القرآن فهي مترتبة بشكل متقدريش تحجميه في وصف، أو كلمة، لكن نقدر نقول إن ربنا قدّر أنه يوصلنا بالشكل ده، أصل القرآن قسمين سور مكية نزلت على الرسول "صلى الله عليه وسلم" في مكة، وكان الغرض منها بيان العقيدة وتقريرها والاحتجاج لها وضرب الأمثال لبيانها، وتثبيتها لزوم بدايات الدعوة والإرشاد ليها، وبعدين جت السور المدنية اللي نزلت على أشرف المرسلين "صلى الله عليه وسلم" في المدينة بعد الهجرة، واللي ابتدي فيها التشريع وذكر الحلال والحرام، لأنك خلاص وصلتي الدعوة والناس عرفت المبادئ الأساسية للإسلام، فنبتدى ندخل فالتفاصيل بقا ورجعوا قسموا القرآن بحسب طول السور وحاجات مش عاوزين ندخل فتفاصيلها، لأنها كبيرة لكن المهم أن من حظك العسل أن سورة النور اللي ذُكِر فيها الحجاب نصًا صريحًا سورة مدنية يعني تشريع يعني حلال وحرام ولو تأملتي أول السورة.. بسم الله الرحمن الرحيم.. (سُورَةٌ أَنْزَلْنَاهَا وَفَرَضْنَاهَا وَأَنْزَلْنَا فِيهَا آيَاتٍ بَيِّنَاتٍ لَعَلَّكُمْ تَذَكَّرُونَ).. سورة انزلناها وفرضناها يعني السورة كاملة فرض.. يعنى كل آيات السورة فروض لا تقبل المعارضة فلما تكون الآية دي.. بسم الله الرحمن الرحيم.. (قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ * وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ).. ضمن السورة يبقى ده فرض بيّن واجب لازم يتعمل، ولو هتتعاملي

مع الآية دى أن الحجاب مش فرض يبقى إنك تحفظي فرجك مش فرض يبقى بتتجوزى ليه؟! ما تخليكي زى كلاب الشوارع أحسن، يبقى هتتعاملي مع غض البصر أنه مش فرض، يبقى بتصرخوا في وش الشباب لما يعاكسوكوا في الشوارع ويتحرشوا بيكوا ليه.. وتقولوا غض البصر مهو مش فرض زي الحجاب اللي قلعتيه بمنتهى السهولة ولا أنتى من اللي ربنا قال عليهم فى سورة البقرة اللي أنتى عارفة أنها في أول المصحف.. بسم الله الرحمن الرحيم.. (أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ ۚ فَمَا جَزَاءُ مَن يَفْعَلُ ذَٰلِكَ مِنكُمْ إِلَّا خِزْيٌ فِي الْحَيَاةِ الدُّنْيَا..).

 الخلاصة.. أنا مليش دعوه بميولك وأنتى نظرتك للدنيا إيه، لكن يهمني أن ديني ميتفهمش غلط وأن لو فى واحدة مذبذبة بين أنها تقلع الحجاب، أو تكمل بيه تيجي أنتى بكلامك المُعلن تساعديها على خلعه بمنتهى الأريحية، يعني حتى هتخليها تفقد إحساسها بالذنب، أو بالخزى من اللى عملته.. وتانى هقول الإسلام هو الإسلام مش بحلا شيحة ومش بحنان ترك، والدين الوسطي اللي بيقولوا عليه هو الدين الحق اللي تلتزم فيه بفروضك بإيدك وسنانك يعني متأخرش فرض، ولا تهجر مصحف، ولا تذم ولا تكون عاقًا لأهلك، ولا تستبيح حرمات الناس، و غيره و غيره، إنما للأسف اللي بيعملوا كده دلوقتي فاكرين نفسهم شيوخ وأنهم كدا ضامنين دخول الجنة وش، يا جماعة في صحابة صلوا بالمصحف كاملًا وختموا المصحف في اليوم ثلاث مرات، واستشهدوا في غزوات عشان الرسالة توصلنا، وكثير من الأمثال اللي لو عديتوها وقريتوا عنها هتعرفوا إن ده أضعف الإسلام مش الإيمان حتى، فبلاش جهر بالمعصية، بلاش اللي مش فاهم حاجة يطلع يتكلم في الدين، سورة البقرة في الأول فعلًا بس أول آية نزلت كانت "إقرأ" اللي هي سورة العلق، اللي هي في الجزء الثلاثين في الآخر خالص، سبحان الله، يا بنتي الله يهديكي ويهدينا جميعًا، للأسف "البوست" بتاعى نطاقه هيكون أضيق من النطاق اللي كلامها اتذاع عليه واتنشر وبنات كتير سمعته، ربنا يحفظنا ويثبتنا ويجعلنا في عفة أمهات المؤمنين، لأن بجد المجتمع بقا موبوء وربنا يسترها علينا ومعانا كلنا".

 

 وأيدت الإعلامية سالي عبدالسلام كلام الداعية مصطفى حسني، حيث شاركت منشوره، عبر حسابها الرسمي بموقع التواصل الاجتماعي فيسبوك، وعلقت عليه قائلة: "كل واحد حر.. وأعمل اللي تحسه.. الصلاة والحجاب والفروض بقلبك، إحنا مش قطيع مش هنتحاسب شلة.. من أحب الدعاة لقلبي يا مصطفى.. أربع عمرات معاك من السادس.. اللهم بارك يا قائد العمرة.. يا مقلب القلوب ثبت قلبى على دينك.. إحياء الفرائض بإحساسك وحبك وأوعى تفسر الدين لمصلحتك، وحذاري تكون شخصية عامة فتصيب قومًا بجهالة.. لا حول ولا قوة إلا بالله.. اللهم استخدمنا ولا تستبدلنا.. أنفعني بيه يا رب عاجلًا وليس آجلًا .. اللهم أعز الإسلام بنا".

 

 لتفجر لاحقًا النجمة صابرين مفاجأة للجميع، إذ نشرت صورها عبر حسابها الرسمي بموقع تبادل الصور والفيديوهات "إنستجرام"، وظهرت من خلالها متألقة بشعرها السايب الناعم، وتميز شعرها باللون الأصفر الفاتح، وذلك بعد خلعها الحجاب.

 

 كما بارك لها الكثير من نجوم الفن، ومن بينهم: الفنانة نشوى مصطفى، والفنانة منى زكي، والفنانة رانيا يوسف، والفنانة دنيا، والفنانة روجينا، والفنانة هيدي كرم.