وزير التعليم لطلاب أولى ثانوي: "التسريب مش هيدوم"

نصح الدكتور طارق شوقى، وزير التربية والتعليم والتعليم الفني، طلاب الصف الأول الثانوي بعدم السعي وراء الامتحانات المسربة، قائلا: "اللي هيعتمد على التسريب النهارده التسريب ده مش هيدوم".

وأكد شوقي أن الطالب الذي يسعى للتسريبات يأذي نفسه، موجها للطلاب: "اللي عارف مصلحته مش هيخش عالتسريبات وهيروح الامتحان ويحل ويفهم الامتحان شكله إيه، أما اللي مش عارف مصلحته فأقول له راجع نفسك لإننا بنديك فرصة تتدرب لكن لو إنت مش عاوز ماتفتكرش إن كل الامتحانات متسربة".

وشدد شوقي على أن امتحانات نهاية العام الدراسي للصف الأول الثانوي سيكون على جهاز التابلت على أن يتم التصحيح بشكل إلكتروني دون تدخل أي عنصر بشري للتخلص من مرض الغش والتسريب.

وأرجع شوقي سبب تسريب الامتحانات التي لا تحتسب فيها أي درجات إلى محاولة إحداث البلبة وكسب المعلمين "بنط" _حسب تعبيره_ لجذب الطلاب للدروس الخصوصية.