من أستراليا.. ليلى علوي تحتفل بانتصار منتخب مصر في كأس العالم 2026
حقق منتخب مصر الأول لكرة القدم فوزًا مهمًا على نظيره منتخب نيوزيلندا بنتيجة 3-1، في المباراة التي جمعت المنتخبين ضمن منافسات الجولة الثانية من دور المجموعات ببطولة كأس العالم 2026، ليحصد الفراعنة ثلاث نقاط ثمينة تعزز آمالهم في التأهل إلى الدور التالي.
ليلى علوي عن فوز مصر على نيوزيلندا: لحظة فخر وأمل جمعت المصريين:
شاركت الفنانة ليلى علوي جمهورها فيديو من احتفالها بفوز منتخب مصر عبر حسابها على فيسبوك، وعلقت قائلة: "مصر بتفكر العالم إن الحلم لسه عايش وإن الفرحة لما بتطلع من قلب المصريين بتبقى غير أي فرحة".
وأضافت ليلى علوي: "النهارده كان أكتر من مجرد فوز، ده كان لحظة فخر، لحظة أمل، ولحظة جمعت قلوب المصريين في كل مكان على نفس الدعوة ونفس الفرحة.. من أستراليا كان قلبنا معاكم في كل دقيقة عشنا الماتش بكل إحساسه وبفرحته الكبيرة".
وتابعت: "مبروك لمنتخبنا فوز غالي وروح عظيمة، شرفتونا فرّحتونا ورفعتوا راسنا قدام الدنيا كلها.. دايمًا فخورين بيكم في أي وقت وفي أي مكان، لأن مصر لما بتفرح فرحتها بتوصل لكل ولادها مهما كانت المسافات بعيدة".
واختتمت رسالتها قائلة: "مبروك يا منتخبنا الغالي، مبروك يا مصريين، لسه الحلم مكمل ولسه مصر قدّها وقدود.. تحيا مصر".
