تارا عماد: قصيت شعري لأول مرة بحياتي بسبب 7Dogs.. وكنت بتمرن يوميًا على الأكشن في السعودية
كشفت الفنانة تارا عماد كواليس مشاركتها في فيلم 7Dogs، بشخصية “كلير” مع الفنانين كريم عبد العزيز وأحمد عز، والمقرر عرضه في السينمات خلال الأيام القليلة المقبلة.
وقالت تارا عماد خلال لقاؤها مع الإعلامية لما جبريل على هامش العرض الخاص لفيلم 7Dogs،: تجربة مختلفة جدًا وفخورة أني جزء كن الفيلم ده ونجوم عالميين مصريين وعرب وقصة الفيلم عجبتني اول ما اتعرض عليا، والأكشن خد مني تدريبات كتيرة أخر حد انضم للفيلم، كنت بتمرن الصبح وبعدها اصور وكنت مبسوطة من كل قلبي، التيم كان رائع ومركزين اوي وكنت بتدرب على كل حركة".
وتابعت تارا عماد: قصيت شعري لأول مرة في حياتي بسبب 7dogs، لما رحت السعودية المخرجين قالولي عايزين نغير في شكلك يا تصبغي يا تقصي والقص سهل بالنسبة لي ورجعت مصر قصيت شعري ورجعت ، ودايما بيقولوا لما بتزعلي شعرك بيزعل لكن أنا مبندمش ومبسوطة بيه ولايق ع الشخصية.
إسعاد يونس لـ لما جبريل: نتفرج على 7dogs من باب الفرجة لكن صعب نعمل زيه.. ووجود أبو ناصر بيدعم العمل
أعربت الفنانة والمنتجة إسعاد يونس عن سعادتها البالغة بعرض فيلم 7Dogs في مصر، بطولة الفنانين كريم عبد العزيزوأحمد عز، وتأثير ذلك في صناعة السينما بالوطن العربي.
وقالت إسعاد يونس خلال لقاؤها مع الإعلامية لما جبريل على هامش عرض الفيلم، : “إحنا كمنتجين بنبص على البرودكشن والبادجت، من باب الفرجة بس، الواحد صعب يعمل فيلم بالقوة دي لكن ده شئ مرحب به في صناعة السينما عموما”.
وتابعت: حلو في حياة الواحد إنه يعمل أفلام كده ببادجت عالية بقصة حلوة ومخرجين بقوة الأفلام ده وصناعه والجهة اللي بتنتج العمل ووجود أبو ناصر المستشار تركي آل الشيخ بيدعم العمل ومرحب به في مصر وبنكون مبسوطين جدا بشغفه تجاه السينما.. وعمل زي ده بيفتح الباب جمبه لافلام بنوعيات مختلفة.
تابعوا آخر أخبار بوابة الوفد الإلكترونية عبر نبض
