إسلام إبراهيم يشيد بالعرض المسرحي "تشارلي شابلن"
أشاد الفنان إسلام إبراهيم، بالعرض المسرحي “تشارلي شابلن”، بعد حضوره المسرحية، وذلك عبر حسابه الرسمي بموقع التواصل الاجتماعي “فيسبوك”.
وكتب إسلام إبراهيم: "امبارح حضرت عرض تشارلي شابلن والحقيقية مش عارف اقول ايه بس هتكلم عن إحساسي وأنا خارج من العرض، كنت فخور أوي إن عندنا مسرح خاص بيقدم النوع ده من العروض".
وأضاف “إسلام”:" تجربة بصرية وسمعية قمة المتعة فخور إن عندنا فنانين في كل المجالات قدروا يطلعوا عرض بالدقة والجودة دي من تمثيل لغناء لاستعراض الألحان لإضاءة لهندسة صوت لملابس لديكور لإداراة ممثلين وده طبعا تحت قيادة مخرج عظيم وموهوب ومبهر ومثقف زي أستاذ أحمد البوهي بمجرد ما توفرتله الإمكانيات قدر يستغلها أحسن استغلال".
وتابع إسلام إبراهيم: "واللي زود فرحتي أن الصالة ماشاء الله كومبليت فمحدش يقول الجمهور عايز كده الجمهور عايز فن حقيقي".
واستكمل:"جرأة كبيرة من الشركة المنتجة تستحق الاحترام والتقدير لناس عايزين يقدموا فن حقيقي مشرف".
وقال إسلام إبراهيم: "محمد فهيم مش هقدر اقول حاجة عنه غير ان محدش يقدر يعمل الدور غيره مفيش بديل في مصر موجود يقدر يقدم الدور بنفس الجودة وخصوصا الاداء الحركي والاستعراضي لشارلي شابل ".
وأضاف:" نور قدري مشروع فنانة شاملة مكتمل العناصر تمثيل غناء استعراض كوميدي تراجيدي صوت رائع واحساس يخطفك كل حاجة تلاقي يا فندم ".
وتابع:" داليا الجندي حضور طاغي ومبهر واداء مثقف، وعماد إسماعيل كالعادة المسرح ملعبه وشهادتي فيه مجروحة ".
وقال “ابراهيم”:" دكتور أيمن الشيوي هو فعلا أستاذ تمثيل، ريم العدل كالعادة مبهرة ودقيقة وبطلة رئيسية في اي عمل بتدخله اي عمل عليه اسم ريم العدل لازم تنبهر ".
واستكمل:" دكتور مدحت العدل ارجوك متبطلش كتابة او بمعني اصح متبطلش تعملنا مشاريع قيمة زي دي ".
واختتم:"باتريك انت فنان حقيقي ومسرحجي مهم
عرض زي ده في توقيت زي ده ليه معاني كتير اوي جميلة ونبيلة انا فرحان اوي ".
مسرحية تشارلي شابلن
تضم المسرحية مجموعة كبيرة من أبرز الفنانين، ومنهم: محمد فهيم، نور قدري، أيمن الشيوي، داليا الجندي، عماد إسماعيل، بالإضافة إلى خمسين فنانا آخر من الممثلين الشباب والراقصين، أما التلحين لـ إيهاب عبد الواحد والتوزيع لنادر حمدي والديكور لحازم شبل والملابس لريم العدل والاستعراضات لعمرو باتريك.