ميار الببلاوي تهاجم وفاء مكي.. اتقي الله وكفاية تجيبي سيرتي (فيديو)

أثارت  تصريحات  الفنانة المعتزلة ميار الببلاوي، حول امتناعها عن الشهادة لصالح  الفنانة وفاء مكي،  في قضية تعذيب خادمتها جدلا واسعا، بعد أن أكدت أن الفتاة التي تسببت في سجن وفاء مكي لم تكن مصابة كما ادعت وأن ضميرها يؤنبها لعدم  التصريح بهذه الشهادة.

تراجعت  ميار الببلاوي عن تلك التصريحات بداعي أنها كانت لا تفهم الأمر بشكل جيد واعتمدت على ما قالته وفاء مكي لها أثار أزمة بين الفنانتين بعد أن تمسكت الأخيرة بشهادة ميار الببلاوي لإثبات تعرضها للظلمة. 

ووجهت الفنانة المعتزلة ميار الببلاوي،  خلال حوارها ببرنامج علامة استفهام، رسالة لـ الفنانة وفاء مكي، قائلة :" يا حبيبتي انت خدتي الجزاء اللى أمر بيه رب العالمين، وأنا لم اكتم الشهادة".

وأضافت ميار الببلاوي  :"   اتقي الله و ركزي فى حياتك، وبلاش تبنى البراءة الخاصة بيكي على حساب أحد"، متابعة : :" كلنا هننزل فى شبر تحت الأرض، لن أقول شئ غير صحيح، وعليكى أن تركزي فى حياتك وعملك".

وأشارت  :" أنت يا وفاء حققتي نجاح وشهرة فى الأيام الأخيرة، على حسابي فى الفترة الأخيرة، لم تحققيها في سنوات عملك الفني".

تفاصيل أزمة ميار الببلاوي و وفاء مكي

بداية القصة جاءت بعد ظهور الفنانة والإعلامية ميار الببلاوي في لقاء تلفزيوني ببرنامج “صبايا الشمس” الذي تقدمه الإعلامية ريهام سعيد، عبر قناة الشمس، حيث قالت إنها لم تستطع أن تنام طوال الـ 22 سنة بسبب ما تعانيه من تأنيب ضمير تجاه وفاء مكي، التي تدمرت حياتها الأسرية والمهنية.

وقالت “الببلاوي” في حديثها: “مفيش مرة دخلت فيها أوضة العمليات عشان أعمل عملية قلب، كنت بدعي ربنا يمد في عمري لحد ما أقول كلمة الحق واللي يحصل يحصل.. بس انتي عارفة لما يكون عندك حاجة بس مش عارفة الطريق، وعارفة إن ممكن الكلام بتاعك ميعملش حاجة، وفي نفس الوقت جواكي صراع بيقول لأ ممكن يعمل حاجة.. بقالي 23 سنة تعبانة، بقول يا ترى لو أنا كنت عملت ده كان هيتاخد بكلامي!”.

الواقعة التي اعتبرتها ميار الببلاوي أنها دليل براءة وفاء مكي
 

وتابعت: “الموضوع  أصلا  أنا لما اتجوزت مكنتش شاطرة أوي في البيت، فكان لازم شغالين، فكان في واحدة وقعنا فيها تنزل مع القطر معاها بنات وتوزعهم، بتجيبهم من حتة في البحيرة، لكن البنات اللي جابتهم لي اليوم ده وكان يوم قراية فاتحة أختي، وكنت بلبس ولاقيت البوابة طالقة بتقولي فلانة طالعة ومعاها بنتين، طلعت كان بنت منهم بتاكل ساندوتش حلاوة طحينية، وبنت تانية نعسانة، فكنت داخلة أجيب لها الفلوس فلاقيت بنت منهم وهي بتهرش المنديل وقع من على شعرها لاقيتها قرعة، فولت لها ايه ده، قالتلي والنبي دول اللي كانوا عند وفاء مكي، قولت لها وفاء اللي حلقت لها كده، قالتلي لأ ده البنت عندها قراع إنجليزي فوفاء حلقت لها، قولت لها عندها قراع وجايبهالي وأنا ابني عنده شهر، قالت لي دي هتستحمى، قولت لها ولا تستحمى ولا حاجة خديهم وامشي.. البنات كانوا واقفين زي القرود معندهمش أي حاجة”.

وأضافت: “الشهادة اللي بقولها إن البنات جم من عند وفاء، مكانوش محروقين.. لما الست مشيت وأنا نسيت الموضوع، فجأة الدنيا اتقلبت وفاء مكي عملت تعذيب وسلخانة، ولما شوفت صور البنات قولت يا نهار أبيض ده اللي الست جابتهم، روحت على التليفون كلمت مصور صحفي عزيز عليا، وقولت له الموضوع ده غلط، وفاء معملتش لهم حاجة، دول نزلوا من عندها على عندي على البلد، قالي ميار أنا عايز أقولك الموضوع ده أكبر مني ومنك، الموضوع ده فيه شخصية عايزة تأذي وفاء فأنتي كلامك لا هيقدم ولا ه