إشراقات
واضح أننا جميعاً جاهلون بأمور الإطفاء.. خاصة إطفاء الأشخاص التى تشتعل النار بأجسادهم.. فأول شىء يفكر فيه الإنسان هو إطفاء الشخص، بسكب الماء على جسده.. دون أن ندرى أن فى هذا هلاكه وموته فوراً.
ونحن هنا فى أمس الحاجة.. لتعليم السلامة المهنية والإسعافات الأولية.. لكل المصريين أطفالاً وكبارا.. حتى لا نتسبب بحسن نية فى قتل أحب الناس لنا..بمنتهى حسن النية
فمن هنا يجب تدريس علوم الإنقاذ فى المدارس.. ونشر هذه المعلومات فى كافة وسائل الإعلام.. بشكل مبسط يفهمه كل الناس.. على اختلاف ثقافاتهم ومستوى تعليمهم.
وها هى نصائح واحد من متخصصى السلامة المهنية.. قرأتها ورأيت نشرها تعميما للفائدة.. يقول الرجل فى نصيحته.. انا كاخصائى سلامة وصحة مهنية ممكن فيه حاجة بسيطة أوى ممكن نعلمها لأولادنا ازاى يتصرفوا فى موقف زى ده لو واحد مشتعلة فيه النيران ومفيش وسيلة اطفاء قريبة لازم أعمل 3 حاجات. يعنى أوقفه ومخلهوش يجرى أو يمشى والنار ماسكة فيه.
أخليه يقعد وينام على الأرض بوضع أفقى طول ما هو في وضع رأسى النار هتشب فيه نفس فكرة الشمعة لو خليته في وضع أفقى هتطفى
بعد ما نيمته على أرض هلفه على الأرض يمين وشمال ويمين وشمال لحد ما يطفى والموضوع ده كله مش هيستغرق ثوانى «أوقفه - أنيمه على الأرض أفقى - ألفه يمينًا وشمالًا».
ولكن انتبه جيداً.. أوعى تطفى بالماء.. أو تجيب على جسمه أى مياه نهائى لأنك كده كل اللى بتعمله انك بتسرع بموته.. يعنى لو مش هيموت من الحرق هيموت بسبب الميه لأنك كده بتبستره.. حرارة عالية وبعدين تبريد معناه موت الخلايا..وتسبب صدمة عصبية للجسم تؤدى للوفاة فورًا يا تستخدم بطانية تلفه بيها بسرعة يا تستخدم الطريقة اللى فوق فى حالة عدم توافر بطانية.. لاستخدامها فى الإطفاء.