شواكيش
> نصيحة للغلبان فى زمن التوووهان: حُط الكوز تحت البزبوز.. وإياك تقف فى أسواق الغلاء مهزوز!!
> السويسرى من أكثر شعوب العالم «سعادة».. والمصرى «الأتعس».. ابتسم من فضلك علشان صورة «الكحت» تطلع حلوووووة!!
> فى هذا الزمان.. شوفنا اللى نزل البحر ماتبلش.. واللى رقص على السلالم ومالمش.. والدولار غلب الجنيه وطنش!!
> الرقص النهاردة على أغنية «مفيش صاحب يتصاحب» والغُنا بُكرة على أغنية «اتنين اتنين وصحبك الدولار والجنيه نايم محتار»!!
> عرض جديد: فى إندونيسيا اشترِ منزل واحصل على الزوجة مجاناً.. وفى مصر اتجوز بفلوسك وخد فياجرااا ونام فى العسل!!
> طريق الاقتراب من أصحاب السُلطة.. تنافق.. تتوغل.. تنتشر.. لدرجة أن تحتقر نفسك.. وتخسر احترام الآخرين!!
> حكمة هذا الزمان: أصحاب المبادئ يعيشون مدى الحياة.. وأصحاب المصالح يموتون كل ليلة!!
> يا عزيزى كُلنا ننسى أيام «الكحرتة» لأننا وصل بنا الحال إلى أيام وليالى الرطرطة.. وع الأصل دوّر!!
> الحال من المُحال.. لما تشوف واحد من أنصاف الناس طفا فجأة على سطح المليونيرات لا تنسى تسأله «من أين لك هذا»؟!
> بما إننا نعيش فى زمن العناتيل.. لزاما عليا نشاهد مُجبرين كل ليلة فيلم «عنتيل شايل سيفه»!!
> طلاق 56% من المتزوجين حديثاً نصهم «خُلع» والنص الآخر «خلعان»!!
> سبعون ألف حالة طلاق خلال العام فى مصر العنوسة.. تأكيد بأن جوازتنا فى أيامنا الغابرة على «كف مأذون»!!
> الفنان الهضبة وصفوه بـ«الهرم الرابع».. وطبعًا أبوالهول هيغنى «بًرج الحوت تملى معاك»!!
> بعد موافقة البرلمان الرومانى باعتبار 8 «مارس» عيدًا للمرأة.. و19 «نوفمبر» عيدًا للرجل من كل عام.. وطبعًا على مستوى العالم 14 «فبراير» عيدًا للحُب وتقطيع فروة الهدوم!!
> الصين وضعت 120 أغنية تُحرض على العنف والرذيلة فى «القائمة السوداء».. عقبالنا يا فنانينا!!
> بما إننا نعيش فى زمن «الكحت الجميل».. لزاماً علينا أن نتذوق طعم «الكحت بسُكر»!!
آَخِر شَوْكَشَة
>> فى بلدنا المحروسة.. فينا اللى مكفينا.. واللى مكفينا حكومة ملهاش فينا.. غير بطاقة التموين والعيش الحاف اللى مش مكفينا!!