شواكيش
> احترسوا: مترو الحكومة فى التليييييين.. والشعب فى التسطيح!
> فى مولد ستى الحكومة.. على كتفها تنور.. وعلى جسمها تنور.. وعلى دماغها «تضرب لخمة»!
> عايزين نقولكم النصيحة: عتاب الحكومة.. تجنب أسعارها!
> يا عزيزى كُلنا منسيون.. أنا وأنت والحكومة ولا حد فاكرنا!
> اللى ملوش أهل.. أهله الحكومة.. واللى ملوش بيت.. بيته التخشيبة!
> من أغانى هذا الزمان: حُط « القوطة المجنونة» على «البامية».. تطلع طبخة الحكومة أورديحى دايماً!
> آآآه لو لعبت يا زهر واتبدلت الأحوال.. وركبت أول مترو فى حكومة «تعويم الأموال»!
> يا حكومة: بالورقة والقلم ضربتينى كام قلم.. وأنا دلوقتى مش بتوجع من الألم.. ده الجوع عندى أهووووون من ميت قلم!
> محل حكومتنا من الأعراب: رفع الدعم النكدى.. وفتح ملفات الفساد.. وكسر عظام الغلابة!
> فى بلدنا «شعب ونص حكومة».. اللهم اجعل أداء حكومتنا «نُص حصان» والوزراء رُبع مشكل!
> اختلط الحابل بالنابل.. وخرجت علينا حكومتنا بكروت العيش.. والغلابة وضعوا أمامهم أطباق الجوع: «محدش بياكلها بالساهل»!
> على طريقة الدكتور «شديد» فى ساعة لقلبك: وماله يا خويا العيش اللى يييييجى من الحكومة ما يجوعش.. ويجعله عامر بالعيش الحاف!
> نقيب الجزارين حذر الحكومة: كيلو اللحمة بـ 200 جنيه فى رمضان.. وطبعاً الغلابة فى وضع الانتحار!
> لو بطلنا نحلم بـ «كوابيس الحكومة» هنحلم بإيه؟! أكيــد هنحـلم بـ «كوابيس حكومة سى سماعين»!
> كلام الحكومة مدهوووون بذبدة.. يطلع عليه النهار.. يسيييييح!
آَخِر شَوْكَشَة
>> الصين منعت الاحتفال بـ« كدبة إبريل» وحكومتنا شغالة على الشعب طوال العام «هرى كدب كدب»!
محمد زكى