معاناة طالب مصري بالسودان.. خوف ورعب وانقطاع تام للخدمات

قال أحمد عبد الفتاح محمد السيد، طالب مصري عائد من السودان ويدرس بكليه الطب جامعة افريقيا العالمية، الخرطوم –المجاهدين، إن ما حدث في السودان كان بمثابة صدمة للجميع فلم نتوقع حدوث حرب ومعايشة تلك الأجواء الصادمة، قائلًا: " البيوت كانت بتهتز من الضرب".

 

وتابع "عبد الفتاح" في حديث خاص للوفد: " فضلنا على الوضع دا 8 ايام من غير اكل والكهرباء كانت قاطعه وقعدين في الحر طول المده دي وجو السودان مش سهل والمايه كانت بتقطع وبتيجي كل شويه احنا فضلنا عايشين مستنيين ان يحصل اجلاء او اننا نموت، احنا مكناش عرفين نتحرك نجيب اي حاجه للبيت والمره الوحيده اللي نزلنا فيها ملقناش حاجه خالص والماركت الناس كانت بتضرب بعض على الحاجه".

اقرأ أيضًا: معاناة المصريين في العودة للقاهرة.. تكلفة مرتفعة وآمال مربوطة بأرض المحروسة

 

واستكمل: "احنا كنا مش عارفين نعمل ايه لغايه لما حد من السفاره قلنا استغلوا الهدنه اللي كانت في

العيد والحقو سافرو عشان الوضع هيسوء اكتر بعد الهدنه، وهما أصلًا مكنوش مبطلين ضرب حتى في الهدنه احنا رجعنا بري واللي جبلنا الباص طالب معانا في الكليه في سنه رابعه الباص اتحرك يوم السبت تاني يوم العيد على العصر كدا عشان نطلع برة الخرطوم بس عدينا على اربع كماين وكل كمين عليه دبابه، احنا كنا ساعتها خايفين يضربونا بس الحمدلله عدت على خير الباص وصل القاهرة يوم التلات على العصر تقريبًا".

 

وأكد أن كل مطالبه من الدولة المصرية وحكومتها، استكمال الدراسة في مصر لضمان مستقبلهم الدراسي، بعد ضياعه بالسودان.

 

لمزيد من الأخبار اضغط هنــــــــــا.